ଚମ୍ପୁଆ ଏନଏସି ନିର୍ବାଚନର ବିଜେଡିର ବିପୁଳ ବିଜୟ ପାଇଁ ଅଣ୍ଟା ଭିଡିଛନ୍ତି ପୂର୍ବତନ ବିଧାୟକ ତଥା ମା ଜଗତଜନନୀ ସେବା ଟ୍ରଷ୍ଟ ଅଧ୍ୟକ୍ଷ ଶ୍ରୀଯୁକ୍ତ ସନାତନ ମହାକୁଡ଼ । ଚଳିତ ପୌରପରିଷଦ ନିର୍ବାଚନ ସରଗରମ ହୋଇ ଉଠିଥିଲା ବେଳେ ବିଜେଡି ସପକ୍ଷରେ ଅଧିକରୁ ଅଧିକ ଭୋଟ ପାଇଁ ପ୍ରମୁଖ କର୍ମୀଙ୍କୁ ନେଇ ଟ୍ରଷ୍ଟ କାର୍ଯ୍ୟାଳୟରେ ବୈଠକ ଡକାଇଥିଲେ । ଚମ୍ପୁଆ ଏନଏସିର ସର୍ବାଙ୍ଗିନ ଉନ୍ନତି ଓ ବିକାଶ ଧାରାକୁ ତ୍ୱରାନ୍ୱିତ କରିବାକୁ ହେଲେ ବିଜେଡି ଏକମାତ୍ର ବିକଳ୍ପ ବୋଲି ଶ୍ରୀ ମହାକୁଡ଼ ସୂଚନା ଦେଇଥିଲେ।ଏପରିକି ଉପସ୍ଥିତ ଶତାଧିକ କର୍ମୀମାନଙ୍କୁ ଶଙ୍ଖଚିହ୍ନରେ ଭୋଟ ବିପୁଳ ପରିମାଣରେ ଦେବାକୁ ଆହ୍ଵାନ ଦେଇଥିଲେ । ଚମ୍ପୁଆ ବାସୀଙ୍କର ସ୍ୱପ୍ନର ସାକାର ତଥା ବିକାଶକୁ ଅଗ୍ରାଧିକର ଦିଆଯିବାର ପ୍ରତିଶୃତି ଦେଇଥିଲେ ଓ କହିଥିଲେ ଯେ ମୋର ଶେଷ ବିନ୍ଦୁଥିବା ଯାଏଁ କେବଳ ଚମ୍ପୁଆ ନୁହେଁ ସାରା କେନ୍ଦୁଝର ଜିଲ୍ଲାର ବିକାଶ ମୋର ଲକ୍ଷ୍ୟ ବୋଲି କହିଥିଲେ । ଏହି କାର୍ଯ୍ୟକ୍ରମରେ କେନ୍ଦୁଝର ସାଂସଦ ଚନ୍ଦ୍ରାଣି ମୁର୍ମୁ ଉପସ୍ଥିତ ଥିଲାବେଳେ ବିଜେଡି ପକ୍ଷରୁ ଏନଏସି ଅଧ୍ୟକ୍ଷ ପ୍ରାର୍ଥୀ ହୋଇଥିବା ଗିରିଜା ଶଙ୍କର ସାହୁ(ଟିଟୁ) ଭାଇ ସମେତ ୧୩ଟି ୱ।ର୍ଡର କାଉନସିଲର ପ୍ରାର୍ଥୀ ଉପସ୍ଥିତ ଥିଲେ ।
ଚମ୍ପୁଆ ରିପୋର୍ଟର ଦାଶରଥି ଗିରି Focus Plus
