ଫୋକସ ପ୍ଲସ 28/5/22(ସୁନ୍ଦରଗଡ଼): ସରକାର ସ୍କୁଲ ଗୁଡିକୁ ସ୍ମାର୍ଟ ସ୍କୁଲ କରିବା ପାଇଁ ବିଭିନ୍ନ ପ୍ରକାର ପଦକ୍ଷେପ ନେଉଥିବା ବେଳେ ଛାତ୍ର ଛାତ୍ରୀ କିନ୍ତୁ ପାଠ ପଢ଼ିବାରୁ ବଞ୍ଚିତ ରହୁଛନ୍ତି । କେଉଁଠି ଛାତ୍ର ଛାତ୍ରୀ ମାନଙ୍କୁ ଲୌହ ପଥର ବହୁଥିବା ଟ୍ରକରେ ଯିବା ଆସିବା କରୁଥିବା ଦେଖିବାକୁ ମିଳୁଥିବା ବେଳେ କେଉଁଠି ଛାତ୍ର ଛାତ୍ରୀ ଚାଲି ଚାଲି ୪ କିଲୋମିଟର ଯାଉଥିବା ଦେଖିବାକୁ ମିଳୁଛି ତ ଆଉ କେଉଁଠି ଛାତ୍ର ଛାତ୍ରୀ ସ୍କୁଲ ରେ ରୋଷେଇ କରିବା ପାଇଁ ୧ କିଲୋମିଟର ଦୂରରୁ ପାଣି ମୁଣ୍ଡରେ ବୋହିକି ଆଣୁଥିବା ଦେଖିବାକୁ ମିଳୁଛି । ଏ ଭଳି ଦୃଶ୍ୟ ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଲା କୋଇଡା ବ୍ଲକ ର ବିଭିନ୍ନ ଅଞ୍ଚଳରେ । ବ୍ଲକ ରେ ଥିବା ପାଟମୁଣ୍ଡା ପଞ୍ଚାୟତର ପୋଡାଡ଼ିହି କଲୋନୀର ଛାତ୍ର ବିଜୟ ମୁଣ୍ଡା ୧୬ କିଲୋମିଟର ରାସ୍ତା ଅତିକ୍ରମ କରି ପାଠ ପଢିବାକୁ ଯାଉଥିବା ଦେଖିବାକୁ ମିଳିଛି । ବିଜୟ ବଡି ଭୋରରୁ ଉଠି ନିଜର ନିତ୍ୟକ୍ରମ ସାରି ଚାଲି ଚାଲି ପାଟମୁଣ୍ଡା ଯାଆନ୍ତି ପାଟମୁଣ୍ଡାରୁ କଲେଜ ବସ ରେ କୋଇଡା ଓ କୋଇଡାରୁ ବିଭିନ୍ନ ଖଣିରୁ ଲୌହ ପଥର ଲୋଡ କରି ଯାଉଥିବା ଟ୍ରକ ରେ କାଲତା ପାଠ ପଢିବାକୁ ଯାଆନ୍ତି ବିଜୟ । ପାଖରେ ସ୍କୁଲ ଥାଇ କଣ ପାଇଁ ଏତେ ବାଟ ପାଠ ପଢିବାକୁ ଯାଉଛନ୍ତି ବିଜୟ । ଯଦି ପିଲାଟିର କିଛି କ୍ଷତି ହୁଏ ସେଥିପାଇଁ ଦାୟୀ ରହିବ କିଏ ? ସେହିପରି ପାଟମୁଣ୍ଡା ପଞ୍ଚାୟତର ବର୍ସଡା ରୁ ୩ କିଲୋମିଟର ଦୂର କଦଳିଆ ସ୍କୁଲକୁ ଚାଲି ଚାଲି ପାଠ ପଢ଼ିବାକୁ ଯାଉଛନ୍ତି ଛାତ୍ର ଛାତ୍ରୀ ଓ ପଞ୍ଚାୟତର ପୋଡାଡିହି ସ୍କୁଲ ରେ ଛାତ୍ର ଛାତ୍ରୀ ସ୍କୁଲ ର ରୋଷେଇ ପାଇଁ ୧କିଲୋମିଟର ଦୂରରୁ ବାଲ୍ଟି ରେ ପାଣି ଭରି ମୁଣ୍ଡରେ ମୁଣ୍ଡେଇ ଆଣୁଥିବା ଦେଖିବାକୁ ମିଳିଛି !! ଏ ବିଷୟରେ କୋଇଡା ବ୍ଲକ ଶିକ୍ଷା ଅଧିକାରୀ ମହମଦ ସକିଲ ରେହମାନ ଙ୍କୁ ପଚାରିବାରୁ ସେ ଏହାକୁ ନିନ୍ଦନୀୟ କହିବା ସହିତ ଏହାର ସଠିକ ତଦନ୍ତ କରିବାକୁ ଫୋକସ ପ୍ଲସ ଆଗରେ କହିଥିଲେ |ସୁନ୍ଦରଗଡ଼ ରୁ ନଗେଶ ଚନ୍ଦ୍ର ପାଢ଼ୀ ଙ୍କ ରିପୋର୍ଟ ଫୋକସ ପ୍ଲସ |
