ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ବାଟଗାଁ ନିକଟରେ ପୃଥକ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ମୃତକ ଜଣଙ୍କ କଙ୍କଡାହାଡ଼ ଥାନା ରୋଡ଼ଙ୍ଗ ଗାଁର ରାମଚନ୍ଦ୍ର ପ୍ରଧାନ । ରାମଚନ୍ଦ୍ର ନିଜ ବାଇକରେ କାମାକ୍ଷାନଗରରୁ ନିଜ ଗାଁ ରୋଡ଼ଙ୍ଗ ଫେରୁଥିବା ବେଳେ ବାଟଗାଁ ନିକଟରେ ଭାରସାମ୍ୟ ହରାଇ ରାସ୍ତା କଡରେ ପୋତା ହୋଇଥିବା ଏକ ଖୁଣ୍ଟରେ ପିଟି ହୋଇ ଯାଇଥିଲେ । ଗୁରୁତର ଅବସ୍ଥାରେ ତାଙ୍କୁ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ତାଙ୍କର ମୃତ୍ୟୁ ହୋଇଥିଲା । ସେହିପରି ବାଟଗାଁ ଛକରୁ ନିଜ ଦୋକାନ କାର୍ଯ୍ୟ ସାରି ଘରକୁ ଫେରୁଥିବା ବେଳେ ଏକ ଅଟୋ ଧକ୍କାରେ ଜଣେ ଦୋକାନୀ ଗୁରୁତର ହୋଇଛନ୍ତି । ଗୁରୁତର ଦୋକାନୀ ଜଣଙ୍କ ବାଟଗାଁ ର ଚିନ୍ମୟ ବରାଳ । ତାଙ୍କୁ ଗୁରୁତର ଅବସ୍ଥାରେ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଥିଲା।ତାଙ୍କର ଡାହାଣ ଗୋଡଟି ଭାଙ୍ଗିଯାଇଥିବାରୁ ତାଙ୍କୁ କଟକ ମେଡିକାଲକୁ ସ୍ଥାନାନ୍ତରିତ କରାଯାଇଛି l
କଙ୍କଡ଼ାହାଡ଼ ରୁ ପ୍ରବୀଣ ନାଏକ ଙ୍କ ରିପୋର୍ଟ ଫୋକସ ପ୍ଲସ।
