ପ୍ରେମିକ ସାଜିଲା ଦଲାଲ

ଫୋକସ ପ୍ଲସ 22/5/22(ତେନ୍ତୁଳୀଖୁଣ୍ଟି): ଲଭ, ସେକ୍ସ ପରେ ଧୋକା ।ନବରଙ୍ଗପୁର ରେ ପ୍ରେମିକ ସାଜିଲା ଦଲାଲ,ବିବାହ ର ପ୍ରତିଶ୍ରୁତି ଦେଇ ନିଜ ପ୍ରେମିକା ସହ ଶାରୀରିକ ସମ୍ପର୍କ ରଖିବା ପରେ ଅନ୍ୟ ପୁରୁଷ କୁ ୭୦ ହଜାର ଟଙ୍କାରେ ବିକିଦେଲା ପ୍ରେମିକ। ଫେସବୁକ ରେ ପ୍ରେମ ପରେ ଯୁବତୀଙ୍କୁ ଘରୁ ଟେକି ନେଇଥିଲା କଳାହାଣ୍ଡି ଜିଲ୍ଲା ଗୋଲମୁଣ୍ଡାର ଅମିତ ତାଣ୍ଡି।ପରେ ରାଜ୍ୟ ଏବଂ ରାଜ୍ୟ ବାହାରେ ବିଭିନ୍ନ ସ୍ଥାନକୁ ନେଇ ନିଜ ସମ୍ପର୍କୀୟ ଭଉଣୀ ବୋଲି ପରିଚୟ ଦେଇ ରଖିଥିବା ଅଭିଯୋଗ ହୋଇଛି।ଏହା ପରେ ହତ୍ୟା ଧମକ ଦେବା ସହିତ ଯୁବତୀଙ୍କୁ ଗୁଜୁରାଟ ନେଇ ୭୦ ହଜାର ଟଙ୍କା ରେ ବିକ୍ରି କରିଥିଲା ଅଭିଯୁକ୍ତ।ଗୁଜୁରାଟ ରେ ଯୁବତୀଙ୍କ ସହ ଦୁଷ୍କର୍ମ ହୋଇଥିବା ଅଭିଯୋଗ କରିଛନ୍ତି ପିଡ଼ିତା ଜଣକ।ସେଠାରୁ ଖସି ଆସିବା ପରେ ନ୍ୟାୟ ପାଇଁ ଥାନାର ଦ୍ଵାରାସ୍ତ ହୋଇଛନ୍ତି ଯୁବତୀ।ଏନେଇ ପାପଡ଼ାହାଣ୍ଡି ଥାନାରେ ଏତଲା ଦେଇଥିଲେ ଯୁବତୀଙ୍କ ବାପା।ଏହି ଘଟଣାକୁ ଆଜି ନବରଙ୍ଗପୁର ମା ଘର କାଦମ୍ବିନୀ ତ୍ରିପାଠୀ ଏକ ସାମ୍ବାଦିକ ସମ୍ମିଳନୀ କରି ଯୁବତୀଙ୍କୁ ନ୍ୟାୟ ଦେବାକୁ ଦାବି କରିଛନ୍ତି।ଏଭଳି ଘଟଣା ଗତ ଦୁଇ ଦିନ ତଳେ ମଧ୍ୟ ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ର ଜଣେ ଯୁବତୀଙ୍କୁ ୧୦ ହଜାର ଟଙ୍କା ରେ ଜଣେ ବୃଦ୍ଧ ଲୋକଙ୍କୁ ବିକ୍ରି କରାଯାଇଥିବା ଅଭିଯୋଗ ହୋଇଥିଲା।