ବେଗୁନିଆପଡା ବ୍ଲକ ଅନ୍ତର୍ଗତ ଦିଗାପଡ଼ା ପଞ୍ଚାୟତ ର ରେଙ୍ଗିଟିପଲ୍ଲୀ ଗ୍ରାମରେ ରାଧାକୃଷ୍ଣ ମନ୍ଦିର ର ରତ୍ନମୁଦ୍ରା, ମନ୍ଦିର ଏବଂ ନୂତନ ବିଗ୍ରହ ପ୍ରତିଷ୍ଠା ନିମନ୍ତେ ଆଜି ଠାରୁ ଆରମ୍ଭ ହୋଇଛି ବିଶ୍ୱଶାନ୍ତି ପଞ୍ଚ ମହାଯଜ୍ଞ ଯଥା ଜ୍ଞାନଯଜ୍ଞ, ନାମଯଜ୍ଞ, ଘୃତଯଜ୍ଞ, ଅନ୍ନଯଜ୍ଞ ଓ ଗୋଯଜ୍ଞ | ବରିଷ୍ଠ ପଣ୍ଡିତ ଆଚାର୍ଯ୍ୟ ଲକ୍ଷ୍ମୀ ନାରାୟଣ ମିଶ୍ର ଓ ପ୍ରଚାରକ ବିରୁପାକ୍ଷ ସାମନ୍ତରାୟ ଙ୍କ ପୌରହିତରେ ଆୟୋଜିତ ଉକ୍ତ ମହା ଯଜ୍ଞ ରେ ରେଙ୍ଗିଟିପଲ୍ଲୀ ଗ୍ରାମବାସୀ ଙ୍କ ସମେତ ଅଞ୍ଚଳର ବହୁ ଭକ୍ତ ଉପସ୍ଥିତ ଥିଲେ | ବୈଦିକ ରୀତିନୀତି ଅନୁସାରେ ବରିଷ୍ଠ ବ୍ରାହ୍ମଣ ଙ୍କ ଦ୍ୱାରା ପୂଜାବିଧି କାର୍ଯ୍ୟକ୍ରମ ଆରମ୍ଭ ହୋଇଥିବା ବେଳେ ଗ୍ରାମର ବହୁ ମହିଳା, ପୁରୁଷ ନୂତନ ବସ୍ତ୍ର ପରିଧାନ କରି ଉକ୍ତ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ରେ ସହଯୋଗ କରିଥିଲେ | 28 ତାରିଖରୁ ଆରମ୍ଭ ହୋଇଥିବା ଉକ୍ତ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ପ୍ରତ୍ୟେକ ଦିନ ସନ୍ଧ୍ୟା ସମୟରେ ଅନ୍ନ ପ୍ରସାଦ ସେବନ ଓ ପ୍ରବଚନ କାର୍ଯ୍ୟକ୍ରମ ହେବାକୁ ଥିବା ବେଳେ ଆସନ୍ତା ଅପ୍ରେଲ ତିନି ତାରିଖ ଏହି ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ଚାଲିବା ନେଇ ସୂଚନା ମିଳିଛି |
