ଫୋକସ ପ୍ଲସ(ମାଲକାନଗିର)୨୦/୦୮/୨୦୨୨: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ସୁକମା ପୋଲିସର ସାର୍ଚ ଅପରେସନ ବେଳେ ଦୁଇଜଣ ମାଓ ମିଲିସିଆ ଗିରଫ ହୋଇଛନ୍ତି । ସୂଚନା ଅନୁଯାୟୀ ସୁକୁମା ଜିଲ୍ଲାର ୨୨୩ ସିଆରପିଏଫ ବାଟାଲିଆନର ଯବାନ ଏବଂ ଜିଲ୍ଲା ପୋଲିସର ମିଳିତ ସର୍ଚ ଅପରେସନ ବେଳେ ଦର୍ନାପାଲରୁ ଆସୁଥିବା ଟ୍ରାକ୍ଟରକୁ ଯାଞ୍ଚ ନିମନ୍ତେ ଅଟକାଇ ଥିଲେ । ତେବେ ଟ୍ରାକ୍ଟରରେ ବସିଥିବ ଦୁଇଜଣ ସନ୍ଦିଗ୍ଧ ବ୍ୟକ୍ତି ଯବାନଙ୍କୁ ଦେଖି ପଳାଇବାକୁ ଚେଷ୍ଟା କରୁଥିଲେ। ପୋଲିସ ତୁରନ୍ତ ତାଙ୍କୁ ଘେରିଯାଇ ଧରିବା ସହ ପଚରାଉଚରା ବେଳେ ଉଭୟ ମାଓ ସଙ୍ଗଠନର ମିଲିସିଆ ସଦସ୍ୟ ବୋଲି ପୋଲିସ ନିକଟରେ ସ୍ଵୀକାର କରିଥିଲେ । ଏହପରେ ପୋଲିସ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଦୁଇଜଣ ହେଲେ ମାଡଭି ମୋଟୁ ଏବଂ ମୁଚାକି ଦେବ । ତେବେ ସେମାନଙ୍କ ନିକଟରୁ ୧୦ ଡିଟୋନେଟର, ୧୫ ମିଟର କର୍ଡେକ୍ସ ତାର, ୪ଟି ଜେଲାଟିନ୍ ରଡ୍, ୧୦୦ ମିଟର ଇଲେକ୍ଟ୍ରିକ୍ ତାର ଓ ବହୁ ପରିମାଣର ରାସନ ସାମଗ୍ରୀ ମଧ୍ୟ ପୋଲିସ ଜବତ କରିଛି l
