ଅନୁଗୁଳ ଠାରେ ଆଉ ଜଣେ ଗିରଫ ବ୍ରାଉନ ସୁଗାର ଜବତ ଅଢେଇ ଲକ୍ଷ ଟଙ୍କାର ।

ଅନୁଗୁଳ13/01/2024: ଅନୁଗୁଳ ଜିଲ୍ଲା ଅବକାରୀ ବିଭାଗ ଆଜି ସକାଳ ୯ ଟା ବେଳେ ଏକ ସ୍କୁଟିରୁ ୨୫ ଗ୍ରାମ ବ୍ରାଉନସୁଗାର ଜବତ କରିବା ସହ ଜଣଙ୍କୁ ଗିରଫ କରିଛି । ଗିରଫ ବ୍ୟକ୍ତି ଜଣଙ୍କ ହେଲେ କରଡ଼ାଗାଡ଼ିଆ ଗ୍ରାମର ଅଲେଖ ଦାସ । ସୂଚନା ଯେ, ଅଲେଖ OD 19 Q 2150 ନମ୍ବର ଥିବା ଏକ ସ୍କୁଟିରେ ବ୍ରାଉନସୁଗାର ନେଇ ବିକ୍ରି କରିବାକୁ ଯାଉଥିବାର ଅବକାରୀ ବିଭାଗ ସୂଚନା ପାଇଥିଲା । ସୂଚନା ପାଇ ଅବକାରୀ ବିଭାଗର ପେଟ୍ରୋଲିଂ କରୁଥିବା ଗାଡି ଅଲେଖକୁ ଶିମିଳିପଡା ନିକଟରେ ଅଟକାଇ ଜାଞ୍ଚ କରିଥିଲା । ଜାଞ୍ଚ ବେଳେ ସ୍କୁଟିରୁ ୨୫ ଗ୍ରାମ ବ୍ରାଉନସୁଗାର ଜବତ ହୋଇଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ ଅଢେଇ ଲକ୍ଷ ଟଙ୍କା ହେବ । ଅବକାରୀ ବିଭାଗ ସ୍କୁଟିକୁ ଜବତ କରିବା ସହ ଆଲେଖକୁ ଗିରଫ କରି କୋର୍ଟ ଚାଲାଣ କରିଛି ।