ଅନେକ ବାଦ-ବିବାଦ ପରେ ଆଜି ରିଲିଜ୍ ହେବ ଫିଲ୍ମ ‘ଗଙ୍ଗୁବାଇ କାଠିଆୱାଡି’

ଅନେକ ବାଦ ବିବାଦ ପରେ ଆଜି ରିଲିଜ୍ ହେବ ଫିଲ୍ମ ‘ଗଙ୍ଗୁବାଇ କାଠିଆୱାଡି’ ।ଅପେକ୍ଷାର ଘଟିବ ଅନ୍ତ। ଫିଲ୍ମକୁ ନେଇ ହୋଇଥିବା ଆବେଦନକୁ ସୁପ୍ରିମକୋର୍ଟ ଖାରଜ କରି ଦେଇଛନ୍ତି । ତେବେ ବିବାଦ ଉପରେ ପୂର୍ଣ୍ଣଚ୍ଛେଦ ପକାଇ ଫିଲ୍ମର ନାଁ ବଦଳିବନି ଏବଂ ଏହାର ରିଲିଜ ତାରିଖ ମଧ୍ୟ ଘୁଞ୍ଚିବନି ବୋଲି ସୁପ୍ରିମକୋର୍ଟ କହିଥିଲେ । ତେବେ ଏହି ଫିଲ୍ମରେ ଗଙ୍ଗୁବାଇଙ୍କୁ ଦେହଜୀବୀ ଦର୍ଶାଯାଇଥିବା ଅଭିଯୋଗ କରି ତାଙ୍କ ପୌଷ୍ୟ ପୁତ୍ର ରାବଜୀ ଶାହା କୋର୍ଟର ଦ୍ୱାରସ୍ଥ ହୋଇଥିରେ । ଏହା ପରେ ଫିଲ୍ମର ରିଲିଜ ତାରିଖକୁ ନେଇ ଆଶଙ୍କା ଉପୁଜିଥିଲା । ତେବେ ଶେଷ ମୁହୂର୍ତ୍ତରେ ଫିଲ୍ମର ଟାଇଟଲ ବଦଳାଇବା ସମ୍ଭବ ନୁହେଁ ବୋଲି କୋର୍ଟଙ୍କୁ ଜଣାଇଥିଲେ ଫିଲ୍ମ ନିର୍ମାତା । ଏହା ପରେ ସୁପ୍ରିମକୋର୍ଟ ବିଚାରପତି ଏହି ଗଙ୍ଗୁବାଇଙ୍କ ପୋଷ୍ୟ ପୁତ୍ର ଆଣିଥିବା ଅଭିଯୋଗକୁ ଖାରଜ କରିବା ସହ ଫିଲ୍ମ ଉପରେ ରୋକ ଲଗାଇବାକୁ ମନା କରି ଦେଇଛନ୍ତି । ଫିଲ୍ମରେ ଗଙ୍ଗୁବାଇଙ୍କୁ ଫଟୋ ଏବଂ ତାଙ୍କ ଚରିତ୍ରକୁ ନେଇ କୌଣସି ପ୍ରକାରର ଅପମାନିତ କରାଯାଇନଥିବା ସେ କହିଥିଲେ । ଅଭିଯୋଗକାରୀ ଫିଲ୍ମ ନ ଦେଖି ଏଭଳି ଦାବି ଉଠାଇବା ଭୁଲ ବୋଲି ସଞ୍ଜୟଲୀଲା ଭଂସାଲି ପ୍ରଡକ୍ସନର ଓକିଲ କହିଥିଲେ ।