ଅଯୋଧ୍ୟା ପ୍ରଭୂ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ପାଇଁ ଗାଁ ଦାଣ୍ଡ ଉତ୍ସବ ମୁଖର |

ବୌଦ୍ଧ11/01/2024: ଆସନ୍ତା 22 ଜାନୁଆରୀ ରେ ଅଯୋଧ୍ୟା ଶ୍ରୀରାମ ଜନ୍ମଭୂମି ଠାରେ ପ୍ରଭୁ ଶ୍ରୀରାମ ଙ୍କ ପ୍ରାଣ ପ୍ରତିଷ୍ଠା ସମାରୋହ ମହା ଆଡମ୍ବରରେ ଅନୁଷ୍ଠିତ ହେବାକୁ ଯାଉଛି। ସେହି ଉପଲକ୍ଷେ ବୌଦ୍ଧ ଜିଲ୍ଲା ସମସ୍ତ ଗ୍ରାମରେ ପ୍ରତ୍ୟେକ ପରିବାର କୁ ଅକ୍ଷତ, ନିମନ୍ତ୍ରଣ ପତ୍ର ଓ ଶ୍ରୀରାମ ମନ୍ଦିର ଫୋଟୋ ବଣ୍ଟନ କାର୍ଯ୍ୟରେ ରାମଭକ୍ତ ମାନେ ଘରକୁ ଘର ବୁଲି ରାମ କାର୍ଯ୍ୟ ରେ ଲାଗି ପଡିଛନ୍ତି, ଫଳ ରେ ପୁରପଲ୍ଲୀ ଠୁ ଆରମ୍ଭ କରି ଭକ୍ତିଭାବ ରେ ଗାଁ ଦାଣ୍ଡ ଉଛୁଳି ପଡୁଛି ।ଜାନୁଆରୀ 22 ତାରିଖ ଦିନ 11 ଘଟିକା ଠାରୁ ପତ୍ୟେକ ଗ୍ରାମରେ ମନ୍ଦିର, ପୂଜା ସ୍ଥାନ ରେ ହନୁମାନ ଚାଳିଶା ପାଠ,ରାମ ତାରକ ମନ୍ତ୍ର ପାଠ, ନାମ ସଂକୀର୍ତ୍ତନ ପ୍ରଭୃତି କାର୍ଯ୍ୟକ୍ରମ କରିବା ଏବଂ ସନ୍ଧ୍ୟା ସମୟରେ ପ୍ରତ୍ୟେକ ପରିବାର 5 ଟି ଦୀପ ଜଳାଇ ରାମ ଜ୍ୟୋତି ସହ ଦୀପାବଳୀ ଉତ୍ସବ ପାଳନ ପାଇଁ ସ୍ଥିର କରାଯାଇଛି। ନିମନ୍ତ୍ରଣ ପତ୍ର ପ୍ରଦାନ ଆସନ୍ତା 21 ଜାନୁଆରୀ ପର୍ଯ୍ୟନ୍ତ କରାଯିବ। କରଂଜକଟା ଗ୍ରାମ ପଂଚାୟତ ରାମଗଡ଼ ଓ ତିଳେଶ୍ୱର ଗ୍ରାମ ପଂଚାୟତ ସମେତ ଲୁଣିବାହାଲ, ପୁରୁଣାକଟକ, ପିତାମ୍ବରପୁର ଗ୍ରାମ ପଞ୍ଚାୟତରେ ନିମନ୍ତ୍ରଣ ପତ୍ର ବଣ୍ଟନ କରାଯିବ ନେଇ ଭଵ୍ୟ ରଥ କମିଟି ପକ୍ଷରୁ ସୂଚନା ମିଳିଛି ।