ଫୋକସ ପ୍ଲସ 5/3/2023(ନାଉଗାଁ):ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ଅନ୍ତର୍ଗତ କୋରୁଅ ପଞ୍ଚାୟତ ଗାରୋଇ ଗ୍ରାମର ଜଣେ ନବବଧୂର ମୃତ୍ୟୁ ହୋଇଥିବା ଜଣାପଡିଛି |
ତାହାର କାରଣ ଅସ୍ପଷ୍ଟ ରହିଥିବାବେଳେ | ପୁଲିସ ପକ୍ଷରୁ ନବବଧୂ ର ସ୍ୱାମୀ ଥାନାରେ ଅଟକ ରଖାଯାଇ ତଦନ୍ତ ଚଳାଇଛନ୍ତି ପୁଲିସ | ସୂଚନା ମୁତାବକ ଗତ ଫେବୃଆରୀ ୨୨ ତାରିଖ ରେ ଉକ୍ତ ପଞ୍ଚାୟତସ୍ଥିତ ଧୂଆପଦା ଗ୍ରାମର ବନବିହାରୀ ଜେନା ଙ୍କ ଝିଅ ଶୁଭସ୍ମିମିତା ଙ୍କୁ ଗାରୋଇ ଗ୍ରାମର ଅବଧୂତ ବିଶ୍ୱାଳ ଙ୍କ ପୁଅ ଅରୂପାନନ୍ଦ ବୈଦ୍ଧିକ ରୀତିରେ ପ୍ରେମ ବିବାହ କରିଥିଲେ |
ଗୁରୁବାର ବିବାହର ଆଠଦିନ ଅର୍ଥାତ ଅଷ୍ଟମଙ୍ଗଳା ଦିନ ଶୁଭସ୍ମିତା ଘର ଭିତରେ ଫ୍ୟାନ ରେ ଝୁଲି ପଡ଼ିଥିବା ଜଣାଯାଇଛି | ଶୁଭସ୍ମିତାଙ୍କ ପରିବାର ଲୋକଙ୍କ କହିବା ମୁତାବକ
ବିବାହ ସମୟରେ ଆବଶ୍ୟକ ମୁତାବକ ଯୌତୁକ ଦିଆଯାଇଥିବା ବେଳେ ଆଉ ଅଧିକ ଯୌତୁକ ପାଇଁ ଝିଅର ଶାଶୁ ଘର ଲୋକ ଦାବି କରୁଥିଲେ |
ତାଙ୍କ ଝିଅ ଆତ୍ମହତ୍ୟା କରିନାହିଁ | ତାକୁ ମାରି ଦିଅ ଯାଇଛି ବୋଲି ଝିଅର ମା ବାହୁନି ବାହୁନି କହୁଛନ୍ତି | ଅପର ପକ୍ଷରେ ଅଷ୍ଟମଙ୍ଗଳା ଥିବାରୁ ଅରୂପାନନ୍ଦ ନିଜମାମୁଁ ଘରକୁ ଯାଇଥିଲେ | ଅରୂପାନନ୍ଦ ଏଭଳି ଘଟଣା ଘଟିବା ପରେ ଜାଣିବାକୁ ପାଇଥିବା ପରିବାର ଲୋକଙ୍କ ପକ୍ଷରୁ କୁହାଯାଇଛି |
ଅନ୍ୟପଟ ରେ ଗାରୋଇ ଫାଣ୍ଡି ଅଧିକାରୀ ସୁଶାନ୍ତ କୁମାର ପଣ୍ଡା ସୂଚନା ପାଇଁ ଘଟଣା ସ୍ଥଳରେ ପହଂଚି ନାଉଗାଁ ଥାନା ଆଇ ଆଇ ସି ଅନିରୁଦ୍ଧ ନାୟକ ଙ୍କୁ ସୂଚନା ଦେଇଥିଲେ | ଆଇ ଆଇ ସି ଶ୍ରୀ ନାୟକ ଘଟଣା ସ୍ଥଳରେ ପହଂଚି ଶବକୁ ଜବତ କରିବା ସହିତ ଶୁଭସ୍ମିତା ଙ୍କ ସ୍ୱାମୀ ଅରୂପାନନ୍ଦଙ୍କୁ ଅଟକ ରଖୀଛନ୍ତି | ମାଜିଷ୍ଟ୍ରେଟଙ୍କ ଉପସ୍ଥିତ ଓ ସାଇଣ୍ଟିଫିକ ଟିମ ଙ୍କ ତଦନ୍ତ ପରେ ଶବ ବ୍ୟବଛେଦ ପାଇଁ ପଠାଇଥିଲେ ବୋଲି ଥାନା ଆଇ ଆଇ ସି ଶ୍ରୀ ନାୟକ କହିଛନ୍ତି |
ଶାଶୁ ଘର ପକ୍ଷରୁ ଏହାକୁ ଆତ୍ମହତ୍ୟା ର ରୂପ ଦେଉଥିବା ବେଳେ ନବ ବଧୁର ପିତା ତାଙ୍କ ଝିଅକୁ ତାର ଶାଶୂଘର ଲୋକେ ମିଶି ମାରିଦେଇ ଥିବା ଗୁରୁବାର ବିଳମ୍ବିତ ରାତିରେ ନାଉଗାଁ ଥାନାରେ ଲିଖିତ ଅଭିଯୋଗ କରିଛନ୍ତି |
ଅଭିଯୋଗ ମୁତାବକ ଧୂଆପଦା ଗ୍ରାମର ବନବିହାରୀ ଜେନା ଙ୍କ ଝିଅ ଶୁଭସ୍ମିତା ଙ୍କୁ ଗାରୋଇ ଗ୍ରାମର ଅବଧୂତ ବିଶ୍ୱାଳ ଙ୍କ ପୁଅ ଅରୂପାନନ୍ଦ ବୈଦ୍ଧିକ ରୀତିରେ ବିବାହ କରି ଥିଲେ | ବିବାହ ସମୟରେ ଆବଶ୍ୟକ ମୁତା ବକ ଯୌତୁକ ଦିଆଯାଇଥିଲା |
ହଠାତ ଝିଅ ମରିଯିବା ଖବର ପାଇ ଝିଅ ଶାଶୁ ଘରକୁ ଯାଇ ଦେଖିଲୁ ଝିଅ ଶରୀରର ବିଭିନ୍ନ ସ୍ଥାନରେ କ୍ଷତ ଚି଼ହ୍ନ ରହିଛି | ତେଣୁ ତାକୁ ତାର ଶଶୁର ଅବଦୁତ ବିଶ୍ୱାଳ , ସ୍ୱାମୀ ଅରୂପାନନ୍ଦ ବିଶ୍ୱାଳ , ଦେଢଶୁର ଅଶ୍ୱିନୀ , ଓ ଯାଆ ବନିତା ବିଶ୍ୱାଳ ମିଶି ମାରିଦେଇଛନ୍ତି |
ମାରିଦେବା ପରେ ଘଟଣାକୁ ଆତ୍ମହତ୍ୟାର ରୂପ ଦିଆଯାଉଥିବା ଅଭିନନ୍ଦନ ଯୋଗରେ ଦର୍ଶାଯାଉଛି |
ଅଭିଯୋଗ ପାଇବା ପରେ ଥାନାପକ୍ଷରୁ ଏକ ମାମଲା ରୁଜୁ କରାଯିବାବାସହ ନବବଧୂର ସ୍ୱାମୀ ଅରୂପାନନ୍ଦ କୁ ଥାନାରେ ଅଟକ ରଖାଯାଇଛି |
ଆଜି ଜଗତସିଂହପୁର ମୁଖ୍ୟ ଡାକ୍ତର ଖାନାରୁ ଶବ ବ୍ୟବଚ୍ଛେଦ କରାଯାଇ ପରିବାର କୁ ଶବ ହସ୍ତାନ୍ତର କରାଯାଇଛି | ଏବଂ ଗାରୋଇ ଗ୍ରାମ ମସାଣି ରେ ଶେଷକୃତ୍ୟ ସମ୍ପର୍ଣ୍ଣ କରାଗଲା |
ନାଉଗାଁ ରୁ ମାନସ କୁମାର ସ୍ବାଇଁ ଙ୍କ ରିପୋର୍ଟ , ଫୋକସ ପ୍ଲସ
