ଆନ୍ଧ୍ର ର ନୂଆ ଜିଲ୍ଲାରେ କୋଟିଆ

ଫୋକସ ପ୍ଲସ (ବ୍ୟୁରୋ ) 4.04.22 : ପଡୋଶୀ ଆନ୍ଧ୍ରପ୍ରଦେଶ ର 13 ଜିଲ୍ଲା କୁ ଭାଗ କରାଯାଇ 26 ଜିଲ୍ଲା ଗଠନ କରାଯାଇଛି l ତେବେ ଓଡିଶା -ଆନ୍ଧ୍ର ସୀମାନ୍ତ କୋଟିଆ ପଂଚାୟତ କୁ ନବଗଠିତ ‘ପାର୍ବତୀପୁରମ ମାନ୍ୟମ ‘ ଜିଲାରେ ରଖାଯାଇଛି l କୋଟିଆ କୁ ନେଇ ଦୁଇ ରାଜ୍ୟରେ ମଧ୍ୟରେ ସୀମା ବିବାଦ ଦୀର୍ଘ ବର୍ଷ ଧରି ଲାଗିରହିଛି l ଓଡିଶା ର କୋରାପୁଟ ଜିଲା ପଟାଙ୍ଗୀ ବ୍ଳକରେ କୋଟିଆ ପଂଚାୟତ ରହିଥିବା ବେଳେ ଆନ୍ଧ୍ର ତାହାକୁ ପଂଚାୟତ ଭାବେ ପୂର୍ବ ରୁ ବିଜୟନଗରମ ଜିଲା ପାର୍ବତୀ ପୁରମ ଉପଖଣ୍ଡ ର ସାଲୁର ମଣ୍ଡଳମ (ବ୍ଲକ )ରଖିଥିଲା l

ସୂଚନାଯୋଗ୍ୟ ,2014 ଜୁନ 2 ରେ ଆନ୍ଧ୍ରପ୍ରଦେଶ ଦୁଇ ରାଜ୍ୟରେ ବିଭକ୍ତି ହୋଇଥିଲା l 33 ଜିଲା କୁ ନେଇ ତେଲେଙ୍ଗାନା ରାଜ୍ୟ ଘୋଷଣା କରାଯାଇ ହାଇଦ୍ରାବାଦ କୁ ରାଜଧାନୀ କରାଯାଇଥିଲା l ସେପରି ଆନ୍ଧ୍ରପ୍ରଦେଶ ରେ 13 ଜିଲା କୁ ଅନ୍ତର୍ଭୂକ୍ତ କରାଯାଇ ଅମରବର୍ତୀ କୁ ରାଜଧାନୀ କରାଯାଇଥିଲା l ଏହାପରେ ଆନ୍ଧ୍ର ଏକ ଛୋଟ ରାଜ୍ୟ ଭାବେ ପରିଚୟ ସୃଷ୍ଟି କରିଥିଲା l ଏବେ ଆନ୍ଦ୍ରପ୍ରଦେଶ 13 ଟି ଜିଲା ନୂଆ ଗଠନ କରି ରାଜ୍ୟରେ ଜିଲା ସଂଖ୍ୟାକୁ ବୁଦ୍ଧି ଘଟାଇ 26 ରେ ପରିଣତ କରାଇଛନ୍ତି l

ଓଡିଶା ସୀମାନ୍ତ ପାର୍ବତୀପୁରମ ଉପଖଣ୍ଡ କୁ ପାର୍ବତୀପୁରମ ମାନ୍ୟମ ରେ ପରିଣତ କରାଯାଇଛି l ତେଲୁଗୁ ଭାଷା ରେ ମାନ୍ୟମ ର ଅର୍ଥ( ପଛୁଆ )ନୂତନ ଜିଲା ସୃଷ୍ଟି ସମ୍ପର୍କ ରେ ଆନ୍ଧ୍ରପ୍ରଦେଶ ଗେଜେଟ ରେ ପ୍ରକାଶ ପାଇଛି l ପାର୍ବତ୍ୟପୁରମ ମାନ୍ୟମ ରେ ନୂତନ ଜିଲାପାଳ ଭାବରେ ନିଶାନ୍ତ କୁମାର ଙ୍କୁ ନିଯୁକ୍ତି କରାଯାଇଛି l

ପୂର୍ବରୁ ଆନ୍ଧ୍ରପ୍ରଦେଶ କୋଟିଆ କୁ ନିଜର ଅକ୍ତିଆର କୁ ଆଣିଥିଲେ ମଧ୍ୟ କୌଣସି ଜିଲା ରେ ବିଭକ୍ତ କରିନଥିଲା l ଆନ୍ଧ୍ର ମଧ୍ୟ ନିଜର ସମସ୍ତ କ୍ଷମତା ପ୍ରୟୋଗ କରି ଗୋଟିଏ ପରେ ଗୋଟିଏ କାର୍ଯ୍ୟ କରିଚାଲିଛି ଏପରିକି କୋଟିଆ ବାସୀ ଙ୍କ ପାଇଁ ସମସ୍ତ ମୌଳିକ ସୁବିଧା ପ୍ରଦାନ କରିଛି l