ଫୋକସ ପ୍ଲସ 13/6/22(ଢେଙ୍କାନାଳ): ଝିମିଟି ଖେଳ ରୁ ମହାଭାରତ।ଏଭଳି ଏକ ଘଟଣା ଦେଖିବାକୁ ମିଳିଛି ସଦର ଥାନା ଅନ୍ତର୍ଗତ ବାଙ୍କୁଆଲ ଗ୍ରାମ ରେ।ସୂଚନା ଅନୁଯାୟୀ ଆଜି ସନ୍ଧ୍ୟା ୪ ଘଟିକା ସମୟ ରେ ବାଙ୍କୁଆଳ ଗ୍ରାମ ର ରାଜା ବିଶ୍ଵାଳ ସେହି ଗ୍ରାମ ର ଯୁଗ ସ୍ୱାଇଁ ଙ୍କ ଆମ୍ବ ଗଛ ରୁ ଗୋଟିଏ ଆମ୍ବ ପାରି ଥିଲେ।ଗଛ ରୁ ଆମ୍ବ ପାରିବା ଦେଖି ଯୁଗ ସ୍ୱାଇଁ ରାଗି ଯାଇଥିଲି।ପରେ ଯୁଗ ସ୍ୱାଇଁ ରାଜା ବିଶ୍ଵାଳ ଙ୍କୁ ଗାଳି ଗୁଲଜ କରିବାକୁ ଲାଗିଲେ।ଘଟଣା ଦେଖି ଉଭୟ ପରିବାର ଙ୍କ ଭିତରେ ଯୁକ୍ତି ତର୍କ ବଢିଥିଲା।ହଠାତ୍ ଏଥିରେ କ୍ଷୁବ୍ଧ ହୋଇ ଯୁଗ ସ୍ୱାଇଁ ଙ୍କ ପରିବାର ଠେଙ୍ଗାବାଡି ଧରି ରାଜା ବିଶ୍ଵାଳ ଙ୍କ ପରିବାର ଉପରେ ଆକ୍ରମଣ କରି ଥିଲେ। ଯେଉଁଥି ଥିରେ ରାଜା ବିଶ୍ଵାଳ ଙ୍କ ସମେତ ଜଣେ ଶିଶୁ କୁ ମିଶାଇ ୪ ଜଣ ଗୁରୁତର ହୋଇ ପଡ଼ିଥିଲେ।ପରେ ଗ୍ରାମବାସୀ ଙ୍କ ସହାୟତା ରେ ସମସ୍ତ ଆହତ ୪ ଜଣଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତି କରାଯାଇଛି। ଏ ସମ୍ପର୍କରେ ଏକ ମାମଲା ସଦର ଥାନାରେ ଦାୟର କରାଯାଇଛି | ଘଟଣାର ତଦନ୍ତ ଚାଲିଥିବା ସଦର ଥାନା ପକ୍ଷରୁ କୁହାଯାଇଛି |
ଢେଙ୍କାନାଳରୁ ଲକ୍ଷ୍ମୀକାନ୍ତ ସାହୁଙ୍କ ରିପୋର୍ଟ
