ଚାନ୍ଦବାଲି୧୨/୦୨/୨୦୨୪: ଆଗକୁ ଆସୁଛି ସାଧାରଣ ନିର୍ବାଚନ ଯେଉଁଥି ପାଇଁ ଏବେଠାରୁ ଦେଖିବାକୁ ମିଳିଲାଣି ନିର୍ବାଚନୀ ଉସ୍ମୂତା । ତେବେ ଭଦ୍ରକ ଜିଲ୍ଲା ଚାନ୍ଦବାଲି ନିର୍ବାଚନ ମଣ୍ଡଳୀରେ କଂଗ୍ରେସ ତାର ଘର ସଜାଡ଼ିବା ସହ ଅଣ୍ଟା ସଳଖି ଛିଡା ହେବାପାଇଁ ଜୋରଦାର ପ୍ରୟାସ ଚଳାଇଛି । କଂଗ୍ରେସ ର ବରିଷ୍ଠ ନେତା ଅମୀୟ ମହାପାତ୍ର, ସତ୍ୟାନନ୍ଦ ରାଉତ, ଦିଗମ୍ବର ଦାସ ଓ ମନୋଜ ବିଶ୍ୱାଳ ଏକତ୍ରିତ ହୋଇ ଦଳ କିପରି ଚାନ୍ଦବାଲିରେ ମଜବୁତ ହେବ ସେ ଦିଗରେ କାମ ଜାରି ରଖିଥିବା ଦେଖିବାକୁ ମିଳିଛି । ଏହି ପରିପ୍ରେକ୍ଷୀରେ ପ୍ରତିଦିନ ମିଶ୍ରଣପର୍ବ କରି ସଂଗଠନ ସଯାଡୁଥିବା ବେଳେ ଆଜି ମଧ୍ୟ ଚାନ୍ଦବାଲି ବ୍ଲକ ଓରାସାହି ପଞ୍ଚାୟତ ରେ ପାଖାପାଖି ୪୦ ପରିବାର ବିଜେପି ଓ ବିଜେଡି ଛାଡି ଵିଧିବଦ୍ଧ ଭାବେ କଂଗ୍ରେସ ଦଳରେ ଯୋଗ ଦେଇଛନ୍ତି । ଏହି ଅବସରରେ ଓରାସାହି ଠାରେ ବ୍ଲକ କଂଗ୍ରେସ ସଭାପତି ବୈଲୋଚନ ପଣ୍ଡାଙ୍କ ସଭାପତିତ୍ୱ ରେ ଏକ ମିଶ୍ରଣ ପର୍ବ ସଭା ଅନୁଷ୍ଠିତ ହୋଇଥିଲା । କଂଗ୍ରେସ ର ବରିଷ୍ଠ ନେତା ଙ୍କ ସହ ପଞ୍ଚାୟତ ସଭାପତି ଉପସ୍ଥିତ ରହି ସମସ୍ତ ନୂତନ କର୍ମୀ ମାନଙ୍କୁ ଦଳକୁ ସ୍ୱାଗତ କରିଥିଲେ । ତେବେ ଗତ କିଛି ଦିନ ହେବ ନିର୍ବାଚନ ମଣ୍ଡଳୀର ବିଭିନ୍ନ ପଞ୍ଚାୟତରେ କଂଗ୍ରେସ ଏଭଳି ମିଶ୍ରଣ ପର୍ବ ଜାରୀ ରଖିଥିବାରୁ ଉଭୟ ବିଜେଡି ଏବଂ ବିଜେପି ପାଇଁ ଚିନ୍ତାର କାରଣ ପାଲଟିଛି । ତେବେ ଲୋକମାନେ ଏବେ କଂଗ୍ରେସ ମୁହାଁ ହୋଇଥିବାରୁ ଆଗାମୀ ଦିନରେ ଚାନ୍ଦବାଲି ନିର୍ବାଚନ ମଣ୍ଡଳୀରେ କଂଗ୍ରେସ ଏକ ନମ୍ବର ହେବ ବୋଲି କଂଗ୍ରେସ ନେତା ମାନେ ଦୃଢୋକ୍ତି ପ୍ରକାଶ କରିଛନ୍ତି ।
