ବାରିପଦା୨୪/୦୨/୨୦୨୪: ଆଜି ବାରିପଦାସ୍ଥିତ ବଜ଼ାର ଇଣ୍ଡିଆ ସଭାଗୃହରେ ମୟୂରଭଞ୍ଜ ଜିଲ୍ଲା କଂଗ୍ରେସର ଛାମୁଆ ସଂଗଠନ ରାଜୀବ ଗାନ୍ଧୀ ପଂଚାୟତିରାଜ ବିଭାଗ, ପଛୁଆ ବର୍ଗ ବିଭାଗ,ଛାତ୍ର ଓ ଯୁବ କଂଗ୍ରେସ ସଂଗଠନ, ମହିଳା ସଂଗଠନ ଓ ବିଭିନ୍ନ ବିଭାଗ ତରଫରୁ ନୂତନ ଭାବେ ନିଯୁକ୍ତି ପାଇଥିବା ଜିଲ୍ଲା ସଭାପତି ନିରୋଜ ଲୋଚନ ଦାଶଙ୍କ ଉଦେଶ୍ୟରେ ଏକ ସ୍ୱାଗତ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା l ବାଲେଶ୍ୱର ଗୋଲାଇ ଠାରୁ ପାରମ୍ପରିକ ଆଦିବାସୀ ନୃତ୍ୟର ତାଳେ ତାଳେ ମାଦଳର ଝୁମରେ ଶହ ଶହ କଂଗ୍ରେସ କର୍ମୀ ସ୍ଲୋଗାନ ଦେଇ ନୂତନ ସଭାପତିଙ୍କୁ ସଭାଗୃହ ଭିତରକୁ ପାଛୋଟି ନେଇଥିଲେ।ଉକ୍ତ ସମ୍ବର୍ଦ୍ଧନା ସଭାରେ ବିଭିନ୍ନ ବ୍ଲକ ରୁ ଆସିଥିବା ନେତୃବୃନ୍ଦ ଓ ବିଭିନ୍ନ ସେଲ ର ବରିଷ୍ଠ ନେତାଗଣ ପୁଷ୍ପ ଗୁଚ୍ଛ ଓ ଉତ୍ତରୀ ଦେଇ ନୂତନ ସଭାପତି ଶ୍ରୀଯୁକ୍ତ ଦାଶ ଙ୍କୁ ସମ୍ବର୍ଦ୍ଧିତ କରିଥିଲେ।ଉକ୍ତ ସଭାରେ ମଞ୍ଚାସିନ ମୁଖ୍ୟ ଅତିଥିଭାବେ ଶ୍ୟାମସୁନ୍ଦର ହାଁସଦା,ସମ୍ମାନିତ ଅତିଥି ଭାବେ ମୟୁରଭଞ୍ଜ ଜିଲ୍ଲା (ପଶ୍ଚିମ ) ସଭାପତି ଭୁବନ ବିହାରୀ ସାହୁ,ତଥା ସମ୍ମାନିତ ଅତିଥିଭାବେ ରାଜ୍ୟ ଓବିସି ମିଡ଼ିଆ ସଂଯୋଜକ ସୁକୁମାର ରଞ୍ଜନ ପ୍ରଧାନ,ବରିଷ୍ଠ କଂଗ୍ରେସ ନେତା ଚୈତନ ହାଁସଦା, ପ୍ରଦୀପ ମିଶ୍ର, ଅଶୋକ ଅଧିକାରୀ, ଜିଲ୍ଲା ମିଡ଼ିଆ ସଂଯୋଜକ ଅଂଶୁମାନ ଦାସ, ଯୁବ କଂଗ୍ରେସ ଉପସଭାପତି ବିକାଶ ମହାଭୋଇ, ଦୀପକ ଦାସ,ସୁଦିପ ମନ୍ତ୍ରୀ ପ୍ରମୁଖ ନିଜ ନିଜ ବକ୍ତବ୍ୟ ପ୍ରଦାନ କରିଥିଲେ l ଉକ୍ତ ସଭାରେ ମୀନକେତନ ବେହେରା, ତୁଷାର ବେହେରା,ରାଣାସତ୍ୟକାମ ସେନାପତି, ଇଂ ଗଣେଶ ଚନ୍ଦ୍ର ବେହେରା ଓ ବାବୁ ବିଶ୍ୱାଳ ବାଦଲ ହେମ୍ବ୍ରମ, ଛୁଟୁରାମ ବିନ୍ଧାଣୀ ଓ ସରପଞ୍ଚ ଲମ୍ବୋଦର ସିଂହ, ସତ୍ୟବାନ ଦଳନାଏକ,ଇତିଶ୍ରୀ ମିଶ୍ର, ବୃନ୍ଦାବତୀ ନାଏକ, ରଶ୍ମିତା ମିଶ୍ର,କଳ୍ପନା ମିଶ୍ର, ବରିଷ୍ଠ ନେତା ବାବୁଲି ପରିଡା, ନାରାୟଣ ଟୁଡୁ, ଚନ୍ଦନ କିସ୍କୁ ସମେତ ଶହ ଶହ ସଂଖ୍ୟାରେ କଂଗ୍ରେସ ନେତାଗଣ ଓ କର୍ମୀ ଯୋଗଦାନ ଦେଇଥିଲେ।
