ଫୋକସ ପ୍ଲସ(ପରଜଙ୍ଗ)୧୬/୦୮/୨୦୨୨: ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ସାନ୍ଦା ଫାଣ୍ଡି ଅନ୍ତର୍ଗତ ସରବେରେଣୀ ଗାଁ ଗଙ୍ଗାଗୋଠରେ ଥିବା ସୌଭାଗ୍ୟ କୁମାର ପଣ୍ଡାଙ୍କ ଘରୁ ଗତ କାଲି ବିଳମ୍ବିତ ରାତିରେ ଚୋରି ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ତାଙ୍କ ଘରର ଝରକା ତାଡି ଆଲମାରୀରୁ ୨ଲକ୍ଷ ଟଙ୍କାର ସୁନା ଗହଣା ଏବଂ ୪୦ ହଜାର ନଗଦ ଟଙ୍କା ଚୋରି ହୋଇଥିବା ଜଣାପଡିଛି । ଗତ କାଲି ରାତିରେ ସବୁଦିନ ପରି ସୌଭାଗ୍ୟ ଏବଂ ତାଙ୍କ ସ୍ତ୍ରୀ ଖାଇ ସାରିବା ପରେ ଶୋଇ ପଡ଼ିଥିଲେ । ତେବେ ଶୋଇ ସାରିବା ପରେ ଚୋର ଘରେ କଳାକନା ବୁଲେଇ ଥିଲା । ଏ ନେଇ ଆଜି ଅଭିଯୋଗ ପରେ ପରଜଙ୍ଗ ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି । ତେବେ ଅଞ୍ଚଳରେ ଗତ କିଛି ଦିନ ମଧ୍ୟରେ ଅନେକ ଚୋରି ହେଉଥିବା ନେଇ ଅଭିଯୋଗ ହୋଇ ଆସୁଛି । ତେଣୁ ପୋଲିସ ପେଟ୍ରୋଲିଙ୍ଗ ବ୍ୟବସ୍ଥାକୁ ଅଧିକ ବଢ଼େଇବା ପାଇଁ ଗ୍ରାମବାସୀ ଦାବି କରିଛନ୍ତି ।
ପରଜଙ୍ଗ ରୁ ଆଶିଷ ପଣ୍ଡା ଙ୍କ ରିପୋର୍ଟ ଫୋକସ ପ୍ଲସ |
