ଫୋକସ ପ୍ଲସ ୧୧/୬/୨୨ (ଉଦଳା): କପ୍ତିପଦା ବଜାର ମଧ୍ୟରୁ ଗତ ୭ତାରିଖ ଦିନ ଡିକି ଭାଙ୍ଗି ୨ଲକ୍ଷ ୪୦ହଜାର ଟଙ୍କା ଲୁଟ ଘଟଣାର ପର୍ଦ୍ଦାଫାଶ କରିଛି ପୋଲିସ ର ସ୍ବତନ୍ତ୍ର ଟିମ୍ ।ଗତ ୭ ତାରିଖ ଦିନ ଗେଣ୍ଡାଗଡିଆ ଗ୍ରାମର ରଣଜିତ ରାଉତ ଭାରତୀୟ ଷ୍ଟେଟ ବ୍ୟାଙ୍କରୁ ଟଙ୍କା ଉଠାଇ ଗାଡି ଡିକିରେ ରଖି ମେଡିସିନ କିଣୁଥିବା ବେଳେ ଡିକି ଭାଙ୍ଗି ଲୁଟି ନେଇଥିଲେ । ଉପଖଣ୍ଡ ପୋଲିସ ଅଧିକାରୀ ସାର୍ଥକ ରାୟ ତତ୍ତ୍ଵାବଧାନରେ ଏକ ସ୍ବତନ୍ତ୍ର ଟିମ୍ ଏହି ଲୁଟ୍ ଘଟଣାର ପର୍ଦ୍ଦାଫାଶ କରିବା ସହିତ ଦୁଇ ଜଣଙ୍କୁ ଗିରଫ କରିଛି । ପୋଲିସ ଟିମ୍ ଏହି ଚୋରଙ୍କ ପିଛା କରି ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଠାରୁ ଗିରଫ କରିବା ସହିତ ସେମାନଙ୍କ ଠାରୁ ଏକ ଲକ୍ଷ ୫୩ ହଜାର ଟଙ୍କା ସହିତ ଲୁଟରେ ବ୍ୟବହୃତ ହତିଆର ଓ ଦୁଇଟି ବାଇକ୍ ଜବତ କରାଯାଇଛି । ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ଯାଜପୁର ଦାସମଣି ଗ୍ରାମର ଅନୁରାଗ ପ୍ରଧାନଙ୍କ ପୂଅ ଶିବାନନ୍ଦ ପ୍ରଧାନ ଓ ଗଞ୍ଜାମ ଜିଲ୍ଲାର ଧାନ ଚକ୍ରବର୍ତ୍ତୀଙ୍କ ପୂଅ ।ଉଦଳା ଡାକ୍ତରଖାନା ରାସ୍ତାରେ ହୋଇଥିବା ଡିକି ଭାଙ୍ଗିଦୁଇ ଲକ୍ଷ ଟଙ୍କା ଲୁଟ୍ ଘଟଣାରେ ସଂପୃକ୍ତି ରହିଥିବା ସ୍ବୀକାର କରିଛନ୍ତି । ଖୁବଶୀଘ୍ର ଏହାର ମଧ୍ୟ ପର୍ଦ୍ଦାଫାଶ ହେବ ବୋଲି ସୂଚନା ଦେଇଛନ୍ତି |
