ଫୋକସ ପ୍ଲସ(କୋଣାର୍କ)୧୭/୦୮/୨୦୨୨: ବନ୍ୟା ବିଭୀଷିକା ରଚୁଛି ତାଣ୍ଡବ |ରାଜ୍ୟର ଅଧା ଭାଗ ଏବେ ଜଳମଗ୍ନ | ଜଳ ଘେରରେ ବିତୁଛି ଜୀବନ |ତେବେ ପୁରୀ ଜିଲ୍ଲା ଗୋପ ବ୍ଳକ ବେଦପୁର ପଞ୍ଚାୟତ କୁଶଭଦ୍ରା ନଦୀର ଖଣ୍ଡିଆକୂଦ ନିକଟରେ ୨୦ ଫୁଟର ଘାଇ, ୮ଟି ପଞ୍ଚାୟତ ଜଳବନ୍ଦୀ । ଗାଁରେ ପାଣି ପଶି ଜନଜୀବନ ଅସ୍ତବ୍ୟସ୍ତ | ସୂଚନା ଅନୁଯାୟୀ, ଆଜି ଭୋରରୁ ଖଣ୍ଡିଆକୂଦ ଗ୍ରାମ ନିକଟରେ ଥିବା ଏକ କଲଭର୍ଟ ପାଖରେ ଘାଇ ସୃଷ୍ଟି ହୋଇଥିଲା । ଘାଇ ହେବା ଫଳରେ ୮ ଟି ପଞ୍ଚାୟତରେ ପାଣି ପଶିଯାଇ ସମଗ୍ର ପଞ୍ଚାୟତ ଏବେ ଜଳ ଘେରରେ । ଏଭଳି ପରିସ୍ଥିତି ରେ ମଧ୍ୟ ଘଟଣା ସ୍ଥାନରେ ଏପର୍ଯ୍ୟନ୍ତ କୈଣସି ପ୍ରଶାସନ ଅଧିକାରୀ ପହଞ୍ଚି ନଥିବା ସୂଚନା ମିଳିଛି |
ଏବେ ଶୋଳପୁର,ଦଳବା,ବାଙ୍କିପୁର,ବିସରପୁର,ନିଣିବାର,ଡଭାର,ଶିଶୁଅ ଆଦି ଗ୍ରାମ ସମ୍ପୂର୍ଣ୍ଣ ଜଳବନ୍ଦୀ ହୋଇଯାଇଛି।ଲୋକେ ନାହିଁ ନଥିବା ଅସୁବିଧାର ସମୁଖୀନ ହେଉଛନ୍ତି |ନିତିଦିନିଆ ଜୀବନରେ ଏବେ ବାଧା ସୃଷ୍ଟି କରୁଛି ବନ୍ୟା |ଲୋକଙ୍କ ଖାଇବା, ଶୋଇବା, ଅନ୍ୟାନ୍ୟ କାର୍ଯ୍ୟ କରିବାରେ ଅସୁବିଧା ଭୋଗିବାକୁ ପଡୁଛି |
କୋଣାର୍କ ଆଶିଷ ରଞ୍ଜନ ମିଶ୍ର ଫୋକସ୍ ପ୍ଲସ୍ |
