ଫୋକସ ପ୍ଲସ(ତିର୍ତ୍ତୋଲ): ଆଜି ପବିତ୍ର ଗାନ୍ଧୀ ଜୟନ୍ତୀ ଉପଲକ୍ଷେ ତିର୍ତୋଲ ବ୍ଲକ ରଥିପୁର ଠାରେ ଏମ -ରାଇଟ ଏବଂ ପ୍ଲାନ ଇଣ୍ଡିଆ ତରଫରୁ ବ୍ଲକ ସଂଯୋଜକ ସ୍ମୃତିରଞ୍ଜନ ଦାଶଙ୍କ ତତ୍ଵାବଧାନରେ ଏକ ପ୍ରଭାତଫେରୀ ଏବଂ କୋଭିଡ-19 ଟିକାକରଣକୁ ନେଇ ଏକ ସଚେତନତା ରାଲିର କାଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମହିଳା, ପୁରୁଷ, ଯୁବକ, କୁନିକୁନି ପିଲାମାନେ ସଚେତନତା ରାଲିରେ ଯୋଗଦେଇଥିଲେ।କରୋନା ମହାମାରୀରୁ ରକ୍ଷା ପାଇବା ପାଇଁ ଶତପ୍ରତିଶତ କରୋନା ପ୍ରତିଷେଧକ ଟୀକା ନେବା ପାଇଁ ସମସ୍ତ ବର୍ଗର ଜନସାଧାରଣଙ୍କୁ ସଚେତନ କରାଯାଇଥିଲା।
ଗାନ୍ଧିଜୀଙ୍କ ଫୋଟୋଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ୱଳନ କରାଯାଇ ମୁଖ୍ୟ ଅତିଥିଙ୍କ ଦ୍ଵାରା କାର୍ଯ୍ୟକ୍ରମ କରାଯାଇଥିଲା।ସେହିପରି ଜଗନ୍ନାଥପୁର ଠାରେ ଥିବା ବାରବାଟିଆ ଗ୍ରାମର ମୁସଲିମ ବସ୍ତିରେ କୋଭିଡ -19 ର ଟିକାଦାନ ଶିବିର ଅନୁଷ୍ଠିତ ହୋଇଥିଲା। ଏହି ଟୀକାଦାନ ଶିବିରରେ ପ୍ରାୟ ତିରିଶରୁ ଉର୍ଦ୍ଧ ଲୋକ ଟିକା ନେଇଥିଲେ ।ସ୍ଥାନୀୟ ସରପଞ୍ଚ ଗ୍ରାମର ମୁଖିଆ ମାନେ ଉପସ୍ଥିତ ରହି ଟୀକାକରଣ ଦାୟିତ୍ୱ ନେଇଥିବା ସଂସ୍ଥା ଏମ -ରାଇଟ ଓ ପ୍ଲାନ ଇଣ୍ଡିଆକୁ ଧନ୍ୟବାଦ ଜଣାଇଥିଲେ |
ତିର୍ତ୍ତୋଲରୁ ନିଶାକର ଦାସଙ୍କ ରିପୋର୍ଟ
