ଫୋକସ ପ୍ଲସ 7/3/2023(ବ୍ରହ୍ମପୁର): ସୁନା ଗହଣା ଚୋରି ଘଟଣାର ମ୍ୟାନେଜର ସର୍ଜଲ ମଲିକ ଓ ଅନ୍ୟ ଜଣେ କର୍ମଚାରୀ କୌଶିକ ପାଙ୍ଗଙ୍କୁ ବଡବ୍ଜ଼ାର ପୋଲିସ କଲିକତାରୁ ଗିରଫ କରିଛି। ସେମାନଙ୍କ ଠାରୁ ପୋଲିସ ସମସ୍ତ ସୁନା ଗହଣା ଜବତ କରାଯାଇଛି।ପୋଲିସ କଲିକତାର ସିଜେଏମ୍ କୋର୍ଟରେ ଉଭୟଙ୍କୁ ହଜାର କରି ତିନିଦିନିଆ ଟ୍ରାଞ୍ଜିଟ ରିମାଣ୍ଡରେ ଵ୍ରହ୍ମପୁର ଆଣିଛି।
ଘଟଣାରୁ ପ୍ରକାଶ ଯେ, କଲିକତାର ନୂର ଆଲମ ମଲ୍ଲିକ ଵ୍ରହ୍ମପୁର ସାନବଜ଼ାର ଛକରେ ଏକ ସୁନା ଦୋକାନ କରି ବ୍ୟବସାୟ କରୁଛନ୍ତି। ଗତ ଫେବୃଆରୀ ୧୪ ତାରିଖ ସକାଳେ ସେ ଦୋକାନ ଖୋଲିବା ପାଇଁ ଯାଇଥିଲେ। ହେଲେ ଦୋକନ ଗ୍ରୀଲ ତାଲା ଭଙ୍ଗା ଯାଇଥିବା ସେ ଦେଖିବାକୁ ପାଇଥିଲେ। ଦୋକାନ ଭିତରକୁ ଯାଇ ଦେଖିବା ବେଳେ ସେଠାରେ ଥିବା ପୁରୁଣା ସୁନା ୨୮୫ ଗ୍ରାମ , ଚେକି ସୁନା ୩୮୦ ଗ୍ରାମ , ରୁପା ଦୁଇ କେଜି ସେଠାରୁ ଗାୟବ ଥିଲା। ସେହିପରି ଦୋକାନ ଭିତରେ ଲାଗିଥିବା ସିସି ଟିଭି କେମେରା ଓ ଡିଭିଡ଼ି ମେସିନକୁ ମଧ୍ୟ ଚୋରି କରି ନେଇଯାଇଥିବା ଜଣାପଡିଥିଲା। ପରେ ଦୋକାନ ମାଲିକ ନୂର ଆଲମ ଏନେଇ ବଡବ୍ଜ଼ାର ଥାନାରେ ଅଭିଯୋଗ କରିଥିଲେ।
ପୋଲିସ ଏସଂକ୍ରାନ୍ତରେ ୪୭/୨୩ ରେ ଏକ ମାମଲା ରୁଜୁ କରିଥିଲା। ଘଟଣା ପର ଠାରୁ ଉକ୍ତ ଦୋକାନରେ ମେନେଜର ଭାବେ କାମ କରୁଥିବା ସର୍ଜଲ ମଲିକ ଓ ଅନ୍ୟ ଜଣେ କର୍ମଚାରୀ ଫେରାର ହୋଇଯାଇଥିଲେ। ସେମାନଙ୍କୁ ଧରିବା ପାଇଁ ପୋଲିସ ଟିମ ଏକ ବ୍ଲ୍ୟୁ ପ୍ରିଣ୍ଟ ପ୍ରସ୍ତୁତ କରିଥିଲେ। ଶେଷରେ ସେମାନଙ୍କୁ ପୋଲିସ କାବୁ କରିଥିବା କହିଛି।
