ଫୋକସ ପ୍ଲସ 1/11/22( ଜଗତପୁର ): ଜଗତପୁର ଥାନା ଅଧିନରେ ଥିବା ଏକ ଗୋଲ୍ଡ ଲୋନ୍ ଶାଖାରୁ ଚୋରି କରିଥିବା ଜଣେ କୁଖ୍ୟାତ ପେଶାଦାର ଚୋରକୁ ପୋଲିସ୍ ଗିରଫ କରିଛି। ଗିରଫ ଅଭିଯୁକ୍ତ ଜଣକ ପଦ୍ମପୁର ଅଞ୍ଚଳର ସେକ୍ ମୁସ୍ତାକ୍।
ସୂଚନା ମୁତାବକ,ଲୋକଙ୍କୁ ସୁନା ୠଣ ଯୋଗାଇଦେବା ଉଦ୍ଦେଶ୍ୟରେ କଟକ-ଚାନ୍ଦବାଲି ରାସ୍ତା ପାର୍ଶ୍ଵରେ ଇଣ୍ଡେଲ୍ ମନି ଲିମିଟେଡ୍ ନାମକ ଏକ ଶାଖା ଖୋଲାଯାଇଛି। ଶନିବାର ଅଫିସ୍ ବନ୍ଦ ହେବା ପରେ ମୁସ୍ତାକ ବିଳମ୍ବିତ ରାତିରେ ସିସିଟିଭି ଡିଭିଆର୍ ଭାଙ୍ଗି ଉକ୍ତ ଶାଖାରେ ପ୍ରବେଶ କରି ୮ହଜାର ଟଙ୍କା ଲୁଟି ଫେରାର ହୋଇଯାଇଥିଲା। ଏ ସମ୍ପର୍କରେ ଶାଖା ପରିଚାଳକ ଜଗତପୁର ଥାନାରେ ଅଭିଯୋଗ କରିବା ପରେ ପୋଲିସ୍ ଚୋରି ଘଟଣାରେ ସଂପୃକ୍ତ ମୁସ୍ତାକ୍ କୁ ଗିରଫ କରିଛି। ପୁଲିସ୍ ତଦନ୍ତ କରିବା ସମୟରେ ତା ନାମରେ ପୂର୍ବରୁ ଜଗତପୁର ଥାନାରେ ୬ଟି,ସାଲେପୁର ଥାନାରେ ୫ଟି ଓ କ୍ୟାଣ୍ଟନମେଣ୍ଟ ଓ ବଡଚଣା ଥାନାରେ ୨ଟି ଲେଖାଏଁ ମାମଲା ରହିଥିବା ଜାଣିବାକୁ ପାଇଛି।
