ଫୋକସ ପ୍ଲସ(ବ୍ରହ୍ମପୁର)୧୯/୦୮/୨୦୨୨: ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗକୁ ବଡ଼ ସଫଳତା ଭାଲିଆଗଡ଼ ଠାରେ ଏକା ସଙ୍ଗେ ବ୍ରାଉନ ସୁଗାର, ଗଞ୍ଜେଇ ଓ ଅଫିମ ଜବତ ସହ ଜଣକୁ ଗିରଫ କରିଛି । ସେହିଭଳି ଅନ୍ୟଏକ ଘଟଣାରେ ବ୍ରହ୍ମପୁର ଅବକାରୀ ଗୁଇନ୍ଦା ଅଧୀନରେ ଆସୁଥିବା ରାୟଗଡା ଠାରୁ ପ୍ରାୟ 45 କୁଇଣ୍ଟାଲ ରେକର୍ଡ ପରିମାଣର ଗଞ୍ଜାଇ ଜବତ କରିଥିବା ବେଳେ ଏହି ଘଟଣାରେ ଦିଲ୍ଲୀର ଦୁଇଜଣକୁ ଗିରଫ କରିଥିବା ନେଇ ଅବକାରୀ ଉପ ଆୟୁକ୍ତ ସୂଚନା ଦେଇଛନ୍ତି। ଘଟଣା କ୍ରମେ ଗୋଳନ୍ଥରା ଥାନା ଭାଲିଆଗଡ଼ ଠାରେ ଥିବା ଏକ ପରିବା ଦୋକାନୀ ଏ ଭାସ୍କର ଦୋରାଙ୍କ ଠାରୁ ପୋଲିସ ଯଥାକ୍ରମେ 101 ଗ୍ରାମ ବ୍ରାଉନ ସୁଗାର, 20 କେଜି 500 ଗଞ୍ଜେଇ ଓ 100 ଗ୍ରାମ ଅଫିମ ଜବତ କରିଥିଲା ।ଅନ୍ୟପଟେ ରାୟଗଡ଼ା ଠାରୁ 45 କୁଇଣ୍ଟାଲ 72 କେଜି ରେକର୍ଡ ପରିମାଣର ଗଞ୍ଜେଇ ସହ ନୂଆଦିଲ୍ଲୀର ଦିନେଶ କୁମାର ଓ ଚନ୍ଦନ କୁମାର ଗିରଫ କରିଥିବାନେଇ ଅବକାରୀ ଉପ ଆୟୁକ୍ତ ସୂଚନା ଦେଇଛନ୍ତି।
ବ୍ରହ୍ମପୁର ରୁ କାଳୀ ପ୍ରସାଦ ରଥ ଙ୍କ ରିପୋର୍ଟ ଫୋକସ ପ୍ଲସ |
