ଘର ପୋଡି ହତ୍ୟା ଉଦ୍ୟମ

ଫୋକସ ପ୍ଲସ(କଳାହାଣ୍ଡି) ୨୯/୦୭/ ୨୦୨୨:ବିଲମ୍ବିତ ରାତିରେ ଝରକା ଫାଙ୍କରୁ ଦୁର୍ବୁତ୍ତ ପେଟ୍ରୋଲ ଢାଲି ମାରିବା ଉଦ୍ୟମ l ଜୟପାଟଣା ଥାନା ଅଧିନସ୍ଥ ବଲାଗାଁ ରେ ଘଟିଛି ଏଭଲି ଏକ ଅଭାବନୀୟ ଘଟଣା l ଜୈନିକ ବ୍ୟକ୍ତି ନିଜ ପରିବାର ସହ ଶୋଇଥିବା ସମୟରେ କେହି ଦୁର୍ବୁତ୍ତ ଝରକା ଫାଙ୍କ ରୁ ନିଆ ଲଗାଇ ପୋଡି ମାରିଦେବାକୁ ଉଦ୍ୟମ କରିଥିଲା l ଫଳରେ ଘର ଭିତରେ ଶୋଇଥିବା ସ୍ଵାମୀ ସ୍ତ୍ରୀ ଗୁରୁତର ଆହତ ହୋଇଛନ୍ତି l ସୁଚନା ଅନୁସାରେ ବଲାଗାଁ ଗ୍ରାମର ବରୁଣ ମାଝୀ (୫୦) ଓ ତାଙ୍କ ସ୍ତ୍ରୀ ଡାଲିମ୍ବ ନିଜ ଘରେ ଶୋଇଥିବା ବେଳେ ଦୁର୍ବୁତ୍ତ ଝରକା ପଟୁ ପେଟ୍ରୋଲ ଢାଲି ନିଆଁ ଲଗାଇଥିଲେ l ନିଦରେ ଶୋଇଥିବା ସ୍ବାମୀ ସ୍ତ୍ରୀ ଗୁରୁତର ଆହତ ହୋଇଛନ୍ତି, ଏନେଇ ପଡୋଶୀ ଲୋକ ଖବର ପାଇ ଆହତ ସ୍ବାମୀ ସ୍ତ୍ରୀ ଙ୍କୁ ଉଦ୍ଧାର କରି ତୁରନ୍ତ ଆମ୍ବୁଲେନ୍ସ ଯୋଗେ କଲମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ l ଉଭୟଙ୍କ ପ୍ରାଥମିକ ଚିକିତ୍ସା ପରେ ବୃଦ୍ଧି ବରୁଣ ଙ୍କ ଶରୀର ୩୦ ପ୍ରତିଶତ ପୋଡି ଯାଇଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ନେଇ ଦୟିତ୍ଵରେ ଥିବା ଡାକ୍ତର ଡ.ମୃତ୍ୟୁଞ୍ଜୟ ମହାନ୍ତି ସୂଚନା ଦେଇଛନ୍ତି l ଏନେଇ ବରୁଣ ତାଙ୍କ ସାନ ଜ୍ଵାଇଁ ସହଦେବ ଆମକୁ ଜୀବନ ରୁ ମାରିଦେବାକୁ ଏଭଳି କାଣ୍ଡ କରିଥିବା ଅଭିଯୋଗ କରିଛନ୍ତି l

କଳାହାଣ୍ଡି କଲମପୁର ରୁ ରଞ୍ଜନ ସାହୁ ଙ୍କ ରିପୋର୍ଟ ଫୋକସ ପ୍ଲସ ଓଡ଼ିଶା