ଜଗା ଦର୍ଶନ ହେଲା ଶେଷ ଦର୍ଶନ

ଫୋକସ ପ୍ଲସ (କଟକ) ୦୨/୦୭/୨୦୨୨: ଜାଗାକୁ ଦର୍ଶନ ସାରି ଆନନ୍ଦ ଉଲ୍ଲାସରେ ଫେରୁଥିଲେ ଦଶ ଭକ୍ତ | କିଏ ଜାଣିଛି ସେମାନଙ୍କ ଭିତରୁ ଜଣଙ୍କୁ ଅନେଇ ବସିଛି ଯମରାଜ |ଏଭଳି ଏକ ଛାତି ଥରା ଦୃଶ୍ୟ ଦେଖିବାକୁ ମିଳିଛି କଟକ ଟାଙ୍ଗୀ 16 ନମ୍ବର ଜାତୀୟ ରାଜପଥ HP ପେଟ୍ରୋଲ ପମ୍ପ ସମ୍ମୁଖରେ |ଘଟି ଯାଇଛି ମର୍ମନ୍ତୁଦ ସଡ଼କ ଦୁର୍ଘଟଣା lଦୁର୍ଘଟଣାରେ ଜଣେ ଭକ୍ତଙ୍କର ଶୋଚନୀୟ ମୃତ୍ୟୁ ହୋଇଥିବା ବେଳେ ୯ଜଣ ଭକ୍ତ ଗୁରୁତର ହୋଇଛନ୍ତି |ଗୁରୁତର ମାନଙ୍କୁ କଟକ ବଡ଼ ମେଡିକାଲ ଭର୍ତ୍ତି କରାଯାଇଥିବା ସୂଚନା ମିଳିଛି l ବୋଲେରୋ ଗାଡ଼ିରେ ପୁରୀରୁ ଜଗନ୍ନାଥଙ୍କ ଦର୍ଶନ ସାରି ବିଳମ୍ବିତ ରାତିରେ ଯାଜପୁର ଫେରୁଥିଲେ ୧୦ ଭକ୍ତ |ଏହି ସମସ୍ତ ଭକ୍ତଙ୍କ ଘର ଯାଜପୁର ଜିଲ୍ଲା ନୁଆପାଟଣା ଗ୍ରାମ ବୋଲି ଜଣାପଡ଼ିଛି l ଗାଡ଼ିଟି ପୁରୀରୁ ଯାଜପୁର ଫେରୁଥିଲା ସମୟରେ ପଛପଟୁ ଏକ ଟ୍ରକ ଦ୍ରୁତ ଗତିରେ ଆସି ଧକ୍କା ଦେଇଥିବା ସୂଚନା |