ରାଇଘର25/11/23; ନବରଙ୍ଗପୁର ଜିଲ୍ଲା ରେ ଚାଞ୍ଚଲ୍ୟ । ମାଟି ତଳୁ ଯୁବତୀର ମୃତ ଦେହ ଉଦ୍ଧାର। ନବରଙ୍ଗପୁର ଜିଲ୍ଲା ରାଇଘର ଥାନା ଅନ୍ତଗର୍ତ ଗୋନା ପଞ୍ଚାୟତ ମୁରୁମଡିହି ଜଙ୍ଗଲ ରୁ ଜଣେ ଯୁବତୀର ମୃତ ଦେହ ଉଦ୍ଧାର ହୋଇଥିବା ଜଣାପଡିଛି। ସୂଚନା ପ୍ରକାରେ, ଆଜି ସକାଳୁ ମୁରୁମଡିହି ଗାଁର ଜଣେ ଯୁବକ ଜଙ୍ଗଲକୁ ଯାଇଥିବା ବେଳେ ତେନ୍ତୁଳି ଗଛ ମୂଳେ ରକ୍ତଛିଡ଼ା ପଡ଼ିଥିବା ଦେଖି ଗାଁର ଲୋକଙ୍କୁ ସୂଚନା ଦେଇଥିଲେ। ପରେ ଗାଁ ଲୋକେ ଘଟଣାସ୍ଥଳକୁ ଯାଇ ମୃତହେଦର କିଛି ଅଂଶ ଏକ ଗାତରେ ପଡ଼ିଥିବା ଜାଣିପାରିଥିଲେ। ଏନେଇ ଚାରିଆଡେ ଖବର ପ୍ରଚାର ହୋଇଥିଲା। ଶେଷରେ ଏହି ଖବର ମୃତ ଯୁବତୀ ତିଲାବାଈଙ୍କ ବାପା ଲୁଦୁରାମ ଗଣ୍ଡଙ୍କ ନିକଟରେ ପହଞ୍ଚି ଥିଲା। ପ୍ରକାଶ ଥାଉ କି, ମୃତ ଯୁବତୀ ଜଣକ ୩ ଦିନ ହେବ ନିଖୋଜ ରହିଥିଲେ । ମୃତ ଯୁବତୀ ଙ୍କୁ ଦମ୍ପତି ହତ୍ୟା କରିଥିବା ନେଇ ପରିବାର ଲୋକେ ଅଭିଯୋଗ କରିଛନ୍ତି। ମୃତ ଯୁବତୀ ଙ୍କୁ ହତ୍ୟା କରି ମୃତ ଦେହ କୁ ୩୧ ଖଣ୍ଡ କରି ଜଙ୍ଗଲ ର ଏକ ମୂଷା ଗାତ ରେ ଫିଙ୍ଗି ଦେଇଥିଲେ। ଏଭଳି ଘଟଣା ସମଗ୍ର ଜିଲ୍ଲା ରେ ଚାଞ୍ଚଲ୍ୟ ସୃଷ୍ଟି କରିଛି। ଘଟଣା ସ୍ଥଳରେ ସାଇଣ୍ଟଫିକ ଟିମ ପହଞ୍ଚି ଘଟଣା ର ତଦନ୍ତ ଆରମ୍ଭ କରିଛି। ଅନ୍ୟପଟେ ମୃତ ଯୁବତୀ ଙ୍କ ଖଣ୍ଡ ବିଖଣ୍ଡିତ ଶରୀର କୁ ହତ୍ୟା ଅଭିଯୋଗ କରାଯାଇଥିବା ଦମ୍ପତି ଙ୍କ ଘର ସମ୍ମୁଖ ରେ ପୋତିବା ପାଇଁ ପରିବାର ଲୋକେ ଗାତ ଖୋଲୁଥିବା ଦେଖିବାକୁ ମିଳିଛି।
