ଫୋକସ ପ୍ଲସ 26/12/2022(ବୌଦ୍ଧ): ଘଟଣାଟି କଣ୍ଟାମାଳ ବ୍ଲକ ଉମା ପଞ୍ଚାୟତର କଚେଟମାଳ ଗ୍ରାମର ଏକ ସମ୍ପର୍କୀୟ ପରିବାରକୁ ଏକୋଇଶିଆ ଉତ୍ସବରେ ଯୋଗଦେବା ପାଇଁ ନାରାୟଣପ୍ରସାଦ ଗ୍ରାମରୁ କିଛି ବ୍ୟକ୍ତି ଏକ ଗାଡ଼ିରେ ଆସିଥିଲେ l ତେବେ ଫେରିବା ସମୟରେ ଗାଡି ଷ୍ଟାର୍ଟ କରୁଥିବା ବେଳେ ଗାଡ଼ିରେ ହଠାତ ନିଆଁ ଲାଗି ଯାଇଥିଲା l ଯାହାକି ଗାଁ ଲୋକ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ମଧ୍ୟ ଗାଡିଟି ହୁତୁ ହୁତୁ ହୋଇ ଜଳି ଯାଇଥିଲା ପରେ କଣ୍ଟାମାଳ ଅଗ୍ନିଶମ ବାହିନୀ ଘଟଣା ସ୍ଥଳକୁ ପହଞ୍ଚି ନିଆଁକୁ ଆୟତ୍ତ କରିଥିଲେ l ଗାଡି ଚାଳକ ବିରଞ୍ଚି ନାରାୟଣ ସାହୁ ଓ ଏକ ଶିଶୁ ଅଳ୍ପକେ ବର୍ତ୍ତି ଯାଇଥିବା ବେଳେ ଚାଳକଙ୍କ ପନ୍ଦର ହଜାର ଟଙ୍କା ମୂଲ୍ୟର ଏକ ମୋବାଇଲ ଓ ନଗଦ ୨୦ ହଜାର ଟଙ୍କା ସମେତ ଗାଡିଟି ନିଆଁରେ ସମ୍ପୂର୍ଣ୍ଣ ପୋଡି ଯାଇଥିବା ଜଣାପଡିଛି l ଗାଡିଟି ଧାନଖଳା ନିକଟରେ ଥିବାରୁ ନିଆଁ ଯୋଗୁଁ ୩ ଜଣ ଚାଷୀଙ୍କ ଧାନଖରୀ ନଷ୍ଟ ହୋଇଯାଇଛି l ଯାହା ଫଳରେ ଆନୁମାନିକ ୧୦୦ ବସ୍ତା ଧାନ ନଷ୍ଟ ହୋଇଛି ବୋଲି ଚାଷୀ ରନି ଧରୁଆ, କବିରାଜ ଧରୁଆ ଓ ସୁଦର୍ଶନ ପୁଟା ଜଣାଇବା ସହ କ୍ଷତିପୂରଣ ଦାବି କରିଛନ୍ତି l
