ଫୋକସ ପ୍ଲସ(ନୂଆପଡ଼ା)୧୨/୦୮/୨୦୨୨: ମାମା ତୋ କଥା ଭାରି ମନେ ପଡୁଛି, ତୁ ଯେଉଁଠି ଅଛୁ ଶୀଘ୍ର ଆମପାଖକୁ ପଳେଇ ଆ, ପୁଅ ତତେ ନ ପାଇ କାନ୍ଦୁଛି |ଛୋଟ ପିଲାଟି କାନ୍ଦି କାନ୍ଦି ମା କୁ ମନେ ପକାଇ କହୁଛି |ଏହିପରି ଏକ ଘଟଣା ଦେଖିବକି ମିଳିଛି ଜେନାପୁର ଥାନା ଅନ୍ତର୍ଗତ ସାଥୁଆ ପାଟଣା ଗ୍ରାମରେ | ଗାଁରେ ହସଖୁସିରେ ରହୁଥିଲେ ନିରଞ୍ଜନ ସାହୁ ଓ ତାଙ୍କ ସ୍ତ୍ରୀ ଗୀତାଞ୍ଜଳି ଓ ତାଙ୍କର ଦୁଇ ପୁଅ | ନିରଞ୍ଜନ ସାହୁ ମୂର୍ତ୍ତୀ ଶିଳ୍ପୀ କାମ କରି ଯାହା ରୋଜଗାର କରନ୍ତି ଖୁସିରେ ପରିବାର ଚଲିଯାନ୍ତି | ହଠାତ ଆସିଲା ପରିବାର ରେ ଖରାପ ସମୟ | ଗତ ଜୁଲାଇ 19 ତାରିଖ ଦିନ ନିରଞ୍ଜନ ଙ୍କ ସ୍ତ୍ରୀ ଗୀତାଞ୍ଜଳି ତାଙ୍କର ଦୁଇ କଅଁଳ ପୁଅ ଙ୍କୁ ଛାଡି କେଉଁଆଡେ ପଳାଇ ଯାଇଛନ୍ତି | ନିରଞ୍ଜନ ଓ ତାଙ୍କ ପରିବାର ଯେତେ ଖୋଜାଖୋଜି କଲେ ମଧ୍ୟ ତାଙ୍କର କିଛି ପତ୍ତା ମିଳିଲାନାହିଁ | ନିରଞ୍ଜନ ଜେନାପୁର ଥାନାରେ ତାଙ୍କ ସ୍ତ୍ରୀ ହଜିଯାଇଥିବା କେଶ କରିଥିଲେ | ମାତ୍ର ନିରଞ୍ଜନ ଜାଣିବାକୁ ପାଇଲେ ଯେ ତାଙ୍କ ସହ (ନିରଞ୍ଜନ ) କାମ କରୁଥିବା ହେଲ୍ପର ଆଶିଷ ବାରିକ ସହ ଫୋନ ରେ କଥା ହେଉଥିଲେ | ପରବର୍ତ୍ତୀ ସମୟରେ ଗାଁ ର ଲୋକେ କହୁଛନ୍ତି ଯେତେବେଳେ ଗୀତାଞ୍ଜଳି ଗାଁ ର ମନ୍ଦିରକୁ ପୂଜା ପାଇଁ ଯାନ୍ତି ସେତେବେଳେ ଆଶିଷ ସେଠାରେ ବସିଥାଏ ଏବଂ ଆଶିଷ ର ୱାର୍ଟସ ଅପ ପ୍ରୋଫାଇଲେ ରେ ଗୀତାଞ୍ଜଳି ର ଫୋଟୋ ରହିଥିବା ଦେଖିଲାପରେ ତାଙ୍କ ସନ୍ଦେହ ହୋଇଥିଲା | ଆଶିଷ ଉପରେ ସନ୍ଦେହ ହେବାରୁ ନିରଞ୍ଜନ ଆଶିଷ ର ଘରକୁ ଯାଇ ତାଙ୍କ ବାପା ବୀରବର ବାରିକ ଙ୍କୁ ପଚାରି ବୁଝିବାରୁ ସେ ଦୁଇ ଦିନ ହେବ ଘରେ ନାହିଁ ଏବଂ ତା ଫୋନ ବନ୍ଦ ଅଛି, ଆମେ ତା ବିଷୟରେ କିଛି ଜାଣିନୁ ବୋଲି କହିଥିଲେ | ନିରଞ୍ଜନ ଜେନାପୁର ଥାନାରେ ଯାଇ ଆଶିଷ ବାରିକ ମୋ ସ୍ତ୍ରୀ କୁ ଅପହରଣ କରିଥିବା ଏତଲା ଦାୟର କରିଥିଲେ | ଗତ ଦୁଇ ତାରିଖରୁ ଏତଲା ଦିଆଯାଇଥିଲେ ମଧ୍ୟ ଏପର୍ଯ୍ୟନ୍ତ ଗୀତାଞ୍ଜଳୀଙ୍କ ପତ୍ତା ମିଳିପାରିନି | ଘରେ ଦୁଇ ପୁଅ ମାକୁ ଝୁରୁଛନ୍ତି | ଝୁରି ଝୁରି କାନ୍ଦୁଛନ୍ତି | ଏ ବିଷୟରେ ଜେନାପୁର ଥାନା ଅଧିକାରୀ କହିଛନ୍ତି ଆମ୍ଭେ ଚେଷ୍ଟା କରୁଛୁ ବହୁତ ଶୀଘ୍ର ଗୀତାଞ୍ଜଳି କୁ ଖୋଜି ଆଣିବା ପାଇଁ | ଧର୍ମଶାଳା ରୁ ପ୍ରମୋଦ ରାଉତ ଙ୍କ ରିପୋର୍ଟ |
ନୂଆପଡ଼ା ରୁ ଅଜିତ ବେହେରାଙ୍କ ରିପୋର୍ଟ ଫୋକସ ପ୍ଲସ୍ |
