ଦୁର୍ଘଟଣା ନେଲା ୪ ଜୀବନ

ନୂଆଦିଲ୍ଲୀ: ଦୁର୍ଘଟଣା ନେଲା ୪ ଜୀବନ | ବୁଧବାର ଉତ୍ତରାଖଣ୍ଡର ଭୀମତାଲ ସହର ନିକଟରେ ଏକ ବସ୍ ଖାତକୁ ଖସିଯିବା ପରେ ୪ଜଣଙ୍କର ମୃତ୍ୟୁ ଘଟିଥିବା ସାମ୍ନାକୁ ଆସିଛି | ଏହା ସହ ଏହି ଦୁର୍ଘଟଣାରେ ୨୪ରୁ ଅଧିକ ଯାତ୍ରୀ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଜଣେ ମହିଳା ଏବଂ ଜଣେ ଶିଶୁ ଅଛନ୍ତି। ଏପର୍ଯ୍ୟନ୍ତ ୨୧ଜଣଙ୍କୁ ଉଦ୍ଧାର କରାଯାଇଛି ଏବଂ ଆହତମାନଙ୍କୁ ଭୀମତାଲରେ ଥିବା ଏକ ଡାକ୍ତରଖାନାରେ ଭର୍ତ୍ତି କରାଯାଇଛି।ସୂଚନା ମୁତାବକ, ଅଲମୋରାଠାରୁ ହଲଦୱାନି ଅଭିମୁଖେ ଯାଉଥିବା ଏହି ବସ୍ ନିୟନ୍ତ୍ରଣ ହରାଇ ଭୀମତାଲ ନିକଟରେ ୧,୫୦୦ ଫୁଟ ଗଭୀର ଖାତକୁ ଖସିପଡିଥିଲା। ଫଳସ୍ୱରୂପ ଅନେକ ଯାତ୍ରୀଙ୍କୁ ବସରୁ ବାହାରକୁ ଛିଟିକି ପଡ଼ିଥିଲେ। ଏହି ଦୁର୍ଘଟଣା ବିଷୟରେ ଖବର ପାଇବା ପରେ ପୁଲିସ, ଏସଡିଆରଏଫ ଟିମ୍, ଅଗ୍ନିଶମ ଅଧିକାରୀ ଏବଂ ସ୍ଥାନୀୟ ଲୋକ ଉଦ୍ଧାର କାର୍ଯ୍ୟରେ ଲାଗିପଡ଼ିଥିଲେ। ଲୋକଙ୍କୁ ଦଉଡି ସାହାଯ୍ୟରେ ଖାତରୁ ଉପରକୁ ଅଣାଯାଇଥିଲା |