ଫୋକସ ପ୍ଲସ 20/3/23(ବ୍ୟୁରୋ): କପ୍ତିପଦା ଉପଖଣ୍ଡର ରବର ଚାଷ ଦୁର୍ନୀତି ପରେ ଏବେ ସାମ୍ନାକୁ ଆସିଛି ଆମ୍ବଚାଷ ଦୁର୍ନୀତି । କପ୍ତିପଦା ଉପଖଣ୍ଡରେ ବିଭିନ୍ନ NGO ସଂସ୍ଥା ମାଧ୍ୟମରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମର ଆୟୋଜନ ହେଉଥିବା ବେଳେ ଏଠାରେ ଦେଖିବାକୁ ମିଳୁଛି କାଗଜ କଲମରେ କାର୍ଯ୍ୟ । ସମସ୍ତ NGO ସଂସ୍ଥା କୁ ପରିଚାଳନା ଦାୟିତ୍ଵ ଜିଲ୍ଲାର ଜିଲ୍ଲାପାଳଙ୍କ ଅଧିନରେ ଥିବାବେଳେ NGO ସଂସ୍ଥା ରେ ଚାଲିଛି ମହା ଦୁର୍ନୀତି । ମୟୂରଭଞ୍ଜ ଜିଲ୍ଲାର କପ୍ତିପଦା ଉପଖଣ୍ଡରେ ଶୋଭା NGO ମାଧ୍ୟମରେ ହୋଇଥିବା କାର୍ଯ୍ୟରେ ଦେଖିବାକୁ ମିଳିଛି ମହା ଘଟାଲା । ସୂଚନା ଆଇନ ରେ ଜଣା ଯାଇଛି ଯେ ଉଦଳା ବ୍ଲକ୍ ପାଇଁ ଶୋଭା NGO ନାମରେ ବାଡି ଯୋଜନାରେ ୩କୋଟି ୧୧ଲକ୍ଷ ଟଙ୍କାରୁ ଉର୍ଦ୍ଧ୍ବ ଅର୍ଥ ନାବାର୍ଡ ବ୍ୟୟ କରିଥିବା ବେଳେ ସେହି ଅର୍ଥ ଚଳୁ କରା ଯିବା ପରେ ଏବେ ଉଦ୍ୟାନ ବିଭାଗ ପକ୍ଷରୁ ସେହି ଶୋଭା NGO ମାଧ୍ୟମରେ ଲୋକଙ୍କ ନାମରେ ଆମ୍ବଚାଷ ପାଇଁ କୋଟି କୋଟି ଟଙ୍କାର ଅନୁଦାନ ଦିଆ ଯାଇଛି । ମାତ୍ର ସେହି ସ୍ଥାନରେ କେବଳ ଅଛି ସୂଚନା ଫଳକ ଆମ୍ବଚାଷ ର କୌଣସି ନାମଗନ୍ଧ ନାହିଁ ।ଖୋଦ ମୟୂରଭଞ୍ଜ ଜିଲ୍ଲାର ଜିଲ୍ଲାପାଳଙ୍କ ଅଧିନରେ ଏହି NGO ମାନେ କାର୍ଯ୍ୟ କରୁଥିବା ବେଳେ ଏହି ଦୁର୍ନୀତିରେ ଜିଲ୍ଲାପାଳ ପ୍ରତ୍ୟକ୍ଷ ଭାବେ ସାମିଲ୍ ରହିଥିବାର ଆଲୋଚନା ହେଉଛି ।
ଦୁର୍ନୀତିର ମାଧ୍ୟମ ସାଜିଛି NGO
