ଫୋକସ ପ୍ଲସ(କକାମାକ୍ଷାନଗର): ଚୋରା ଦେଶିମଦ ବୋଝେଇ କାର ଧକ୍କାରେ ଭାଇ ମୃତ୍ୟୁ ଭଉଣି ଗୁରୁତର । ମୃତକ ହେଲେ କାମାକ୍ଷାନଗର ଥାନା ବାଲିପଡା ଗ୍ରାମର ବିଦ୍ୟାଧର ରାଉତ ଓ ତାଙ୍କ ଭଉଣି ଉର୍ମିଳା ରାଉତ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ।କ୍ଷତିପୁରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତାରୋକ କରିଥିଲେ। ସୂଚନା ମୁତାବକ ଆଜି ସନ୍ଧ୍ୟା ସମୟରେ ଏକ ଚୋରା ଦେଶିମଦ ବୋଝେଇ କାରକୁ ପୋଲିସ କାମାକ୍ଷାନଗରରୁ ଜିରାଳ ପର୍ଯ୍ୟନ୍ତ ପିଛାକରିଥିଲା। କାରଟି ଧୃତଗତିରେ ଯାଉଥିବା ବେଳେ ବିପରିତ ଦିଗରୁ ବାଇକ ଯୋଗେ ବାଲିପଡାରୁ କଂଛିଆ ବିଦ୍ୟାଧର ନିଜ ଭଉଣିକୁ ଶାଶୁ ଘରକୁ ଛାଡିବା ପାଇଁ ଆସୁଥିବାବେଳେ ତାରେଣି ମନ୍ଦିର ନିକଟରେ ତାଙ୍କ ବାଇକକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ଭାଇର ମୃତ୍ୟୁ ହୋଇଥିବା ବେଳେ ଭଉଣି ଗୁରୁତର ଅବସ୍ଥାରେ କଟକ ସ୍ଥାନାନ୍ତର କରାଯାଇଛି। ଏପଟେ ସ୍ଥାନୀୟ ଲୋକେ ମୃତକ ପରିବାରକୁ କ୍ଷତିପୁରଣ ଦାବିରେ ରାସ୍ତାରୋକ କରିଥିଲେ। ଘଟଣାସ୍ଥଳରେ କାମାକ୍ଷାନଗର SDPO ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ରେଡକ୍ରସରୁ ସହାୟତା ଘୋଷଣା ପରେ ରାସ୍ତାରୋକ ହଟିଥିଲା। ପୋଲିସ ଶବ ଜବତକରି ବ୍ୟବଛେଦ ପାଇଁ ପଠାଇ ଅଧିକ ତଦନ୍ତ ଚଳାଇଛି।
କକାମାକ୍ଷାନଗରରୁ ସମଦର୍ଶୀ ଦାସଙ୍କ ରିପୋର୍ଟ
