ଫୋକସ ପ୍ଲସ 27/11/22 ( ଉଦଳା): ଦିଗ ନୁଆସାହି ଗ୍ରାମର ନବ ଵିଭାହିତ 19 ବର୍ଷୀୟ ମହିଳାଙ୍କ ମୃତଦେହ ଝୁଲନ୍ତା ଅବସ୍ଥାରେ ନିଜ ଶଶୁର ଘରୁ ଉଦ୍ଧାର ହୋଇଛି I ମୃତକ ମହିଳା ଜଣକ 6 ମାସ ପୂର୍ବରୁ ଦିଗ ନୁଆସାହି ଗ୍ରାମର ସୁନ୍ଦର ମୋହନ ସିଂଙ୍କ 20 ବର୍ଷୀୟ ପୁତ୍ର ଗୋପୀନାଥ ସିଂ ପ୍ରେମ ବିଭାହ କରିଥିଲେ I ମୃତକ ମହିଳା ଜଣକ ଅସନଶିଳା ଗ୍ରାମର ଅଭିରାମ ସିଂଙ୍କ 19 ବର୍ଷୀୟ କନ୍ୟା ଫୁଲମଣି ସିଂ I ଘରେ ଶଶୁର ଓ ଶାଶୁ ନିକଟସ୍ଥ ଚକ୍ରାପାଳ ଗ୍ରାମକୁ ଧାନ କାଟିବାକୁ ଯାଇଥିଲେ I ଘରେ ରହୁଥିବା ନଣଦ ନିକଟସ୍ଥ ବାସୁଦେବ ହାଇସ୍କୁଲରେ ନବମ ଶ୍ରେଣୀରେ ଅଧ୍ୟୟନ କରୁଥିବା ବେଳେ ବିଦ୍ୟାଳୟକୁ ଯାଇଥିଲେ I ସ୍ୱାମୀ ଗାଈ ଚରାଇବା କୁ ଯାଇଥିବା ବେଳେ ଫୁଲମଣୀ ଘରେ ଏକାକୀ ଥିଲେ I ତେବେ ନଣଦ ସ୍କୁଲ ରୁ ଫେରି ଭାଉଜ ଘରେ ଏକ ରଶି ରେ ଝୁଲୁଥିବାର ଦେଖି ଘର ଲୋକଙ୍କୁ ଖବର ଦେଇଥିଲେ I ଘର ଲୋକ ପହଂଚି ଘଟଣା ସମ୍ପର୍କରେ ନିକଟସ୍ଥ କୁଶଳଦା ଫାଣ୍ଡି ରେ ସୂଚନା ଦେବା ପରେ ଫାଣ୍ଡି ଅଧିକାରୀ ଦିଗ ନୁଆସାହି ଗ୍ରାମରେ ପହଂଚି ଶବ ଜବଦ କରି ବ୍ୟବଚ୍ଛେଦ କରିବାକୁ ଉଦଳା ମେଡିକାଲକୁ ପଠାଇ ଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରି ବ୍ୟବଚ୍ଛେଦ ନିମନ୍ତେ ଉଦଳା ମେଡିକାଲର ଶବ ଗୃହକୁ ପଠାଇ ଦେଇଥିବା ବେଳେ I ମୃତକ ମହିଳାଙ୍କ ହାତ ଲେଖା ଚିଠି ପୋଲିସ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛି I ମହିଳା ଜଣକ ନବ ଵିଭାହିତ ହୋଇଥିବା ବେଳେ କେଉଁ କାରଣ ପାଇଁ ସେ ଆତ୍ମହତ୍ୟା କଲେ ତାହା ପ୍ରଶ୍ନବାଚୀ ଥିବା ବେଳେ I ମହିଳା ଜଣକ ନିଜେ ଆତ୍ମହତ୍ୟା କରିଛନ୍ତି ନା ତାକୁ ଆତ୍ମହତ୍ୟାର ରୂପ ଦିଆ ଯାଉଛି ତାହା ପ୍ରଶ୍ନବାଚୀ ଥିବା ବେଳେ ଶବ ବ୍ୟବଚ୍ଛେଦ ହୋଇ ପୋଲିସର ସଠିକ ତଦନ୍ତ ପରେ ଘଟଣାର ପ୍ରକୃତ ସତ୍ୟ ଉନ୍ମୋଚନ ହୋଇପାରିବ ବୋଲି ସାଧାରଣରେ ଆଲୋଚନା ହେଉଛି I ଆଗକୁ ଦେଖିବାକୁ ବାକି ରହିଲା ପୋଲିସ କି ପ୍ରକାର ତଦନ୍ତ କରି ଘଟଣାର ପ୍ରକୃତ ସତ୍ୟା ସତ୍ୟ ଉନ୍ମୋଚନ କରୁଛି ?
