ଫୋକସ ପ୍ଲସ 11/02/2023( ନର୍ଲା):କଳାହାଣ୍ଡି ଜିଲ୍ଲା ନର୍ଲା ଥାନା ଅନ୍ତର୍ଗତ ରୁପ୍ରାରୋଡ ବସ୍ତି ଭିତରେ ଏକ ମଦପ୍ୟ ଟ୍ରକ ଡ୍ରାଇଭର ପ୍ରଚୁର ମଦ୍ୟପାନ କରି ବୁଧବାର ରାତ୍ରି ପ୍ରାୟ ୯ ଟା ୪୫ ମିନିଟ୍ ସମୟରେ ଏକ ୧୬ ଚକିଆ ଟ୍ରକ ନମ୍ବର ସିଜି ୦୬ ଜିଏଲ ୬୮୦୨ ରୁପ୍ରାରୋଡ ବାସିନ୍ଦା ଧମେନ୍ଦ୍ର ଅଗ୍ରୱାଲଙ୍କ ଘର ପଟେ ମାଡି ଆଶିଥିଲା l ଫଳରେ ଅଗ୍ରୱାଲ ଦମ୍ପତିଙ୍କ ଘର ସମ୍ମୁଖରେ ରହିଥିବା ଡ୍ରେନ ଉପରେ ପଡ଼ିଥିବା ସମସ୍ତ ସିମେଣ୍ଟ ପ୍ଲେଟ ଓ ତାଙ୍କର ଦୋକାନ ପିଣ୍ଢା ଭାଙ୍ଗି ସମ୍ପୂର୍ଣ ଚୁରମାର ହେଇ ଯାଇଥିଲା l ସୂଚନା ମୁତାବକ ପ୍ରଚୁର ମଦ୍ୟ ପାନ କରିଥିବା ମଦ୍ୟପ ଟ୍ରକ ଡ୍ରାଇଭର ଜଣକ ପ୍ରଥମେ ଭୀମକେଲା ଛକ ନିକଟରେ ଥିବା ମହା ଲଷ୍ମୀ ବସ ଡ୍ରାଇଭର ସହ ଅନେକ ପାଟି ତୁଣ୍ଡ କରିଥିଲା l ପରେ ସେହି ରାସ୍ତା ଦେଇ ରୁପ୍ରାରୋଡ ବସ୍ତି ଭିତରକୁ ପ୍ରବେଶ କରିଥିଲା l ଠିକ ଏହି ସମୟରେ ମଦ୍ୟପ ଡ୍ରାଇଭର ଏଭଳି କାଣ୍ଡ ଭିଅଇଥିବା ସୂଚନା ମିଳିଛି l କୌଣସି ଏକ ବ୍ୟକ୍ତି ନର୍ଲା ପୋଲିସକୁ ଫୋନ କରି ସୂଚନା ଦେବା ପରେ ପୋଲିସ ପ୍ରଶାସନ ଘଟଣା ସ୍ଥଳକୁ ପହଞ୍ଚି ଟ୍ରକ ଏବଂ ଟ୍ରକ ଡ୍ରାଇଭରକୁ ଥାନାକୁ ନେଇ ଅଟକ କରିଥିବା ଅଗ୍ରୱାଲ ଦମ୍ପତି ପକ୍ଷରୁ ସୂଚନା ମିଳିଛି l ପରେ ନର୍ଲା ପୋଲିସ ଟ୍ରକ ଡ୍ରାଇଭର ପାଖରୁ ଏକ ଧାରୁଆ ଖଣ୍ଡା ମଧ୍ୟ ଜବତ କରିଥିବା ସୂଚନା ମିଳିଛି l ଡ୍ରାଇଭର ଜଣଙ୍କ ନାଁ ରାଜା କୁମାର ବିଶି,ବଲାଙ୍ଗୀର ଜିଲ୍ଲା ପାଟଣାଗଡ ଥାନା ଅନ୍ତର୍ଗତ ବାଲିପାଟଣା ଗ୍ରାମର ବୋଲି ସୂଚନା ମିଳିଛି l ଦୁର୍ଘଟଣା ଘଟିବା ପରେ ଉକ୍ତ ମଦ୍ୟପ ଡ୍ରାଇଭର ବିରୁଦ୍ଧରେ ବୁଧବାର ରାତିରେ ଧର୍ମେନ୍ଦ୍ର ଅଗ୍ରୱାଲ ନର୍ଲା ଥାନାରେ ଲିଖିତ ଅଭିଯୋଗ କରି ଏତଲା ଦାୟର କରିଥିଲେ l ନର୍ଲା ପୋଲିସ ପକ୍ଷରୁ କୌଣସି ସୂଚନା ମିଳି ନଥିବା ବେଳେ ଶୁକ୍ରବାର ରାତ୍ରି ୮ ଟା ପର୍ଯ୍ୟନ୍ତ ଡ୍ରାଇଭରକୁ ଥାନାରେ ଅଟକ ରଖାଯାଇଥିବା ଏବଂ ଟ୍ରକ୍ଟି ମଧ୍ୟ ନର୍ଲା ଥାନା ସମ୍ମୁଖରେ ଛିଡା ରହିଥିବା ଦେଖିବାକୁ ମିଳିଛି l ନର୍ଲା ଆଞ୍ଚଳରେ ଚୋରା ମଦ କାରବାର ବୃଦ୍ଧି ପାଉଥିବା କାରଣରୁ ଟ୍ରକ ଡ୍ରାଇଭର ମାନେ କେବଳ ମଦ୍ୟ ପାନ କରିବା ପାଇଁ ରୁପ୍ରାରୋଡ ରାସ୍ତା ଦେଇ ଯିବା ଆସିବା କରୁଛନ୍ତି ବୋଲି ସାଧାରଣରେ ଆଲୋଚନା ହେଉଥିବା ଶୁଣିବାକୁ ମିଳୁଛି l
