ଫୋକସ ପ୍ଲସ(ରାଇରଙ୍ଗପୁର): ରାଇରଙ୍ଗପୁରରେ କାର୍ଯ୍ୟ କରୁଥିବା ଉପଖଣ୍ଡ ପୁଲିସ ଅଧିକାରୀ (ଏସଡିପିଓ) ରତିକାନ୍ତ ଗିରିଙ୍କର ଅନ୍ୟତ୍ର ବଦଳି ପରେ ଏଠାରେ ଗୋକୁଳାନନ୍ଦ ସାହୁ ନୂତନ ରୂପେ ଯୋଗ ଦେଇଛନ୍ତି। ଶ୍ରୀ ସାହୁ ଏହା ପୂର୍ବରୁ ବଲାଙ୍ଗୀର, ସୁନ୍ଦରଗଡ଼, ରାଜଗାଙ୍ଗପୁରରେ ଏସଡିପିଓ ରୂପେ ଦକ୍ଷତାର ସହ କାର୍ଯ୍ୟ କରିଆସିଛନ୍ତି। ଆଦିବାସୀ ବହୁଳ ବାବନଘାଟୀ ଉପଖଣ୍ଡରେ ଘଟୁଥିବା ଅପରାଧ କୁ ହ୍ରାସ କରିବା ନିମନ୍ତେ ସେ ସମସ୍ତ ବର୍ଗର ବ୍ୟକ୍ତିବିଶେଷଙ୍କର ସହଯୋଗ କାମନା କରିଛନ୍ତି। ଆଜି ରାଇରଙ୍ଗପୁରସ୍ଥିତ ଉପଖଣ୍ଡ ପୁଲିସ ଅଧିକାରୀଙ୍କ କାର୍ଯ୍ୟାଳୟରେ ବାବନଘାଟୀ ପ୍ରେସ୍ କ୍ଲବର ସଭାପତି ମନୋରଞ୍ଜନ ତିରିଆଙ୍କ ନେତୃତ୍ୱରେ ସାମ୍ବାଦିକ ଅକ୍ଷୟ ବିଶ୍ଵାଳ , ସତ୍ୟନାରାୟଣ ପାଲ, ଜିତେନ୍ଦ୍ର କୁମାର ଅଗ୍ରୱାଲ, ମେଘନାଦ ହେମ୍ବ୍ରମ,ନିରୋଜ ସାହୁ ପ୍ରମୁଖ ନୂତନ ଭାବେ ଯୋଗ ଦେଇଥିବା ଏସଡିପିଓ ଶ୍ରୀ ସାହୁଙ୍କୁ ଫୁଲ ତୋଡାଦେଇ ସ୍ବାଗତ ସମ୍ବର୍ଦ୍ଧନା ଜଣାଇଛନ୍ତି।
ରାଇରଙ୍ଗପୁରରୁ ଜିତେନ୍ଦ୍ର କୁମାର ଅଗ୍ରୱାଲ ଙ୍କ ରିପୋର୍ଟ
