ନିଶାସକ୍ତ ଅବସ୍ଥାରେ ବିଷାକ୍ତ ସାପ ସହ ଖେଳ

ଫୋକସ ପ୍ଲସ (ନବରଙ୍ଗପୁର) ୦୧/୦୭/୨୦୨୨: ନବରଙ୍ଗପୁର ଜିଲ୍ଲା ଜାମ୍ବଗୁଡା NH ଛକ ଠାରେ lଏକ ଛାତି ଥରା ଦୃଶ୍ୟ ଦେଖିବାକୁ ମିଳିଥିଲା | ମଦ ପିଇ ନିଶାସକ୍ତ ଅବସ୍ଥାରେ ବିଷାକ୍ତ ନାଗ ସାପ ସହ ଖେଳ ଯୁବକଙ୍କ ପାଇଁ ମାହାଙ୍ଗା ପଡିଛି |ମଦ ପିଇ ସାପ କୁ ଦୀର୍ଘ ସମୟ ଧରି NH ରେ ଉତ୍ପାତ କରୁଥିବା ଯୁବକଙ୍କୁ ଦେଖିବାକୁ ରାସ୍ତା ରେ ଯାତାୟାତ କରୁଥିବା ପଥଚାରୀ ମାନଙ୍କ ଭିଡ ଜମି ଥିଲା |ସାପକୁ ବେକରେ ପକାଇ ଚୁମ୍ବନ ଦେଉଥିବା ସମୟରେ ସାପ ଯୁବକକୁ ଚୋଟ ପରେ ଚୋଟ ମାରି ରକ୍ତାକ୍ତ କରିଥିବା ଦେଖିବାକୁ ମିଳିଥିଲା |ତେବେ ସାପଟିକୁ ସେ ଜାମ୍ବଗୁଡ଼ା ଜଙ୍ଗଲରୁ କୌଣସି ମତେ କାବୁ କରି ଆଣିଥିବା ଜଣା ପଡିଛି | ରାସ୍ତାରେ ଯାଉଥିବା କିଛି ପଥଚାରି ଟଙ୍କା ଦବୁ ସାପକୁ ଛାଡିଦେ ବୋଲି କହିବାରୁ ଯୁବକ ସାପଟିକୁ ଛାଡି ଦେଇଥିଲେ | ଗୁରୁତ୍ୱର ଅବସ୍ଥାରେ ସ୍ଥାନୀୟ ଲୋକେ ଯୁବକଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ପାପଡାହାଣ୍ଡି ସୂlସ୍ଥ କେନ୍ଦ୍ରରେ ଭର୍ତି କରିଥିଲେ | ପରେ ଅଧିକ ଚିକିତ୍ସା ପାଇଁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।