ଫୋକସ ପ୍ଲସ 27/3/23(ବ୍ୟୁରୋ): କେବଳ ଖରାଦିନ ନୁହଁ ଆଜ୍ଞା ସାରା ବର୍ଷ ପାଣି ପାଇଁ ସୁରୁବାଲି ନଇ ର ଚୁଆ ଉପରେ ନିର୍ଭର କରିଥାନ୍ତି ଏହି ଗାଁ ର ଲୋକେ l ଗାଁ ରେ ଅଛି ମାତ୍ର ଦୁଇଟି ନଳକୂଅ କିନ୍ତୁ ଗୋଟିଏ ନଳକୂପ ରୁ ଖରାପ ପାଣି ବାହାରୁ ଥିବା ବେଳେ ଅନ୍ୟ ନଳକୂପ କଥା ନ କହିବା ଭଲ ତାହା କେବେ ଠିକ ଭାବରେ ପାଣି ଆସୁ ନାହିଁ | ହଁ ଆଜ୍ଞା ଏମିତି ବି ଗାଁ ଅଛି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ବି ସତ | ଆମେ କହୁଚୁ ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ ଭରତାପୁର ଗ୍ରାମପଞ୍ଚାୟତ ର ଚୁଡାପୁଦଡୁଗ ଗ୍ରାମର(ପୁରୁଣା ବସ୍ତି )ର କଥା | ବ୍ଲକ ଅଫିସ ର ମାତ୍ର ୧୭ କିଲୋମିଟର ଦୂରରେ ରହିଛି ଏହି ଗ୍ରାମ କିନ୍ତୁ ପ୍ରଶାସନ ର ନଜର ପଡି ନାହିଁ ଏହି ଗାଁ ଉପରେ |
ରାଜ୍ୟ ସରକାର ଗ୍ରାମାଞ୍ଚଳ ଲୋକେ ସ୍ୱଚ୍ଛ ପାଣି ପିଇଵା ପାଇଁ ବିଭିନ୍ନ ପ୍ରକାରର ଯୋଜନା କରିଛନ୍ତି l ପାଣି ବାହାନାରେ ରାଜକୋଷ ରୁ ଖର୍ଚ୍ଚ ହେଉଛି କୋଟି କୋଟି ଟଙ୍କା l ତଥାପି ଲୋକେ ପାଣି ବୁନ୍ଦାଏ ପାଇଁ ହେଉଛନ୍ତି ଡହଳ ବିକଳ l ଗ୍ରାମ୍ୟ ଜଳ ଯୋଗାଣ ଯୋଜନା ରେ କୋଟିକୋଟି ଟଙ୍କା ଖର୍ଚ ହୋଇ ଚାଲିଥିବା ଏକ ପାନୀୟ ପ୍ରକଳ୍ପ କାର୍ଯ୍ୟ ଆଜିକୁ ଆଠ ବର୍ଷ ହେବ ଅଧାରେ ବନ୍ଦ ହୋଇ ପଡିଛି l ଯାହା ଫଳରେ ଲୋକେ ନିକଟରେ ଥିବା ସୁରୁବାଲି ନାଳ କଡରେ ଚୁଆ ଖୋଳି ପାଣି ଆଣିଥାନ୍ତି l ଯାହାକୁ ନେଇ ଲୋକେ ସ୍ଥାନୀୟ ସରପଞ୍ଚ, ପ୍ରଶାସନ ଅଧିକାରୀ, ସ୍ଥାନୀୟ ବିଧାୟକ ତଥା ଉଚ୍ଚଶିକ୍ଷା ମନ୍ତ୍ରୀଙ୍କୁ ବାରମ୍ବାର ଗୁହାରି କରି ମଧ୍ୟ କୌଣସି ସୁଫଳ ମିଳୁନାହିଁ | କିନ୍ତୁ ପ୍ରତିଶୃତି ପରେ ପ୍ରତିଶୃତି ମିଳୁଛି | ଚୁଡାପୁଦଡୁଗ ଗ୍ରାମର(ପୁରୁଣାସାହି)ରେ 45 ପରିବାର ରେ ଦୁଇଶହ ରୁ ଅଧିକ ଲୋକ ବାସ କରନ୍ତି l ଏହି ନଳକୂପ ପାଣି ପିଇ ଗ୍ରାମର ଅନେକ ଲୋକ କୀଡୀନ ଭଳି ରୋଗ ରେ ଆକ୍ରାନ୍ତ ହୋଇ ମୃତୁ ମୁଖରେ ପଡିଲେଣି l ବର୍ଷା ସମୟରେ ପାଣିପାଇଁ ଯାଇଥିବା ବେଳେ ଦୁଇ ଜଣ ଶିଶୁ ର ମଧ୍ୟ ନାଳ ପାଣିରେ ବୁଡି ଯାଇଥିଲେ l ତଥାପି ସରକାରଙ୍କ ଆନ୍ତରିକତା ଆସୁନାହିଁ ଏହି ଗାଁ ପ୍ରତି l ନିର୍ବାଚନ ସମୟରେ ମହାନଦୀ ରୁ ପାଣି ପାଇବେ ବୋଲି ଘୋଷଣା କରିଥିଲେ ଉଚ୍ଚ ଶିକ୍ଷା ମନ୍ତ୍ରୀ ରୋହିତ ପୂଜାରୀ l ପାଇପ ଆସି ଗଦା ବି ହେଲା | କିନ୍ତୁ କେବେ ଲୋକେ ପାଣି ପାଇବେ ତାହା ଦେଖିବାକୁ ବାକି ରହିଲା |
