ପ୍ରତ୍ୟେକ ସକାଳ 8.30 ସମୟରେ ଜଣେ ବୟସ୍କ ବୃଦ୍ଧ ବ୍ୟକ୍ତି ସାଇକେଲ ସାହାଯ୍ୟରେ ବାହାରିଯାଆନ୍ତି ନିଜ କର୍ମକ୍ଷେତ୍ର କୁ |ସେ କୌଣସି ସରକାରୀ କିମ୍ବା ବେସରକାରୀ ଚାକିରୀ କରିନାହାନ୍ତି, କେବଳ ପେଟ ପୋଷିବା ପାଈଁ ସାଇକେଲ ପଛପଟେ ଦୁଇଗୋଟି ପ୍ଲାଷ୍ଟିକ ଡ୍ରମ ଲଗାଇ ବଜାରରୁ ଏ ବଜାର ସେ ବଜାର ବୁଲନ୍ତି । ଆମେ ମଧ୍ୟ ଚେଷ୍ଟା କଲୁ ସେ ବୟସ୍କ ଲୋକଙ୍କ ବାବଦରେ ଜାଣିବା ପାଈଁ କାରଣ ଆମକୁ ଲାଗିଲା ଯେମିତି ସେ ବୋଧେ ତାଙ୍କ ଘରକୁ ପାଣି ନେଉଥିବେ | କାରଣ ଯେହେତୁ ବୈଶାଖ ମାସ ପ୍ରଚଣ୍ଡ ଖରା, ପାଣିର କାଳେ ଅସୁବିଧା ଥିବ |କିନ୍ତୁ ପ୍ରକୃତରେ ସେ ଘରକୁ ପାଣି ନେଉ ନ ଥିଲେ। ବୟସ୍କ ବ୍ୟକ୍ତି ଜଣକ ବଜାରରେ ଥିବା ଏକ ମିଠା ଦୋକାନ ଗୁଡିକରେ ପାଣି ଯୋଗାଉଥିବା ଜାଣିବାକୁ ପାଇଲୁ।
ଉକ୍ତ ବୟସ୍କ ବ୍ୟକ୍ତିଙ୍କ ନାମ ଦତ୍ତ ହରି ସ୍ୱାଇଁ,ବୟସ ୬୫ ଓ ସେ ବୋହୁଥିବା ଦୁଇ ଡ୍ରମକୁ ଦେଖି ପ୍ରକୁତରେ ବିଶ୍ୱାସ କରି ହେଲାନି, ସେ ଦୋକାନରେ ଥିବା ଏକ ବଡ଼ ଡ୍ରମରେ ନେଇ ପାଣିକୁ ଢାଳି ଥିଲେ । ପରେ ଯେତେବେଳେ ଆମେ ଯାଇ ସେ ଦୋକାନୀ ଭାଇଙ୍କୁ ପଚାରିଲୁ ଭାଇ ଏ ମାଉସା ଆପଣକୁ ପାଣି ଆଣି ଦେଉଛନ୍ତି କାହିଁକି, ସେ କହିଲେ ପାଣି ଦେଇ ସେ ତାଙ୍କ ନିଜ କୁଟୁମ୍ବ ଚଳାନ୍ତି | ସତରେ ଭଗବାନଙ୍କ ବିଚାର ଧାରା ବି ମହାନ | ଯେଉଁ ବୟସରେ ମଉସା ଜଣଙ୍କ ସେବା ପାଇବା କଥା ସେଇ ବୟସରେ ପରିବାର ପ୍ରତିପୋଷଣ ପାଈଁ ଅନ୍ୟର ସେବା କରୁଛନ୍ତି |ସେ ଦୋକାନୀ କହିଲେ ଆଂଜ୍ଞା ସେ ମଉସା ଆମକୁ ସବୁଦିନ ସକାଳୁ ପାଣି ଯୋଗାଇ ଦେଉଛନ୍ତି, ବିଭିନ୍ନ ଦୋକାନରେ ମଧ୍ୟ ପାଣି ଦେଉଛନ୍ତି |ସେ ଦୋକାନୀ ଭାଇ ଯେଉଁ କଥା ଶୁଣି ଆମେ ବି କହିଲେ ତାଯୁବ ହୋଇଗଲୁ | ସେ ଆଜକୁ ପ୍ରାୟ ୧୫ ବର୍ଷ ହେବ ପାଣି ଦେଉଛନ୍ତି। ସେ ଏକା ଆସୁନାହାନ୍ତି ତାଙ୍କ ସାଙ୍ଗରେ ଯେଉଁ ମହିଳା ଦେଖୁଛନ୍ତି ସେ ହେଉଛି ତାଙ୍କ ଝିଅ ଆଜକୁ ୧୦ ବର୍ଷ ହେବ ସେ ତାଙ୍କ ସାଙ୍ଗରେ ଆସନ୍ତି। ବୋଝ ଉପରେ ନଳିତା ବିଡା ସହ ସମାନ, ଝିଅକୁ ବିବାହ କରିଥିଲେ କିନ୍ତୁ ଶାଶୂଘର ଲୋକେ ଅଧିକ ଯୌତୁକ ପାଇଁ ନିଜ୍ୟାତନା ଦେଉଥିଲେ ଗରିବ ଲୋକଟି ଆଣିବ ବା କଉଠୁ, ସେଥିପାଇଁ ସେ ବାଧ୍ୟ୍ୟ ହୋଇ ବାପାଙ୍କ ପାଖରେ ଅଛନ୍ତି। ଦତ୍ତହରି ସ୍ୱାଇଁ, ପେଟ ପୋଷିବା ପାଇଁ ବାପ ଓ ଝିଅ ଦୁହେଁ ସକାଳୁ ବଜାରକୁ ଆସନ୍ତି ପାଣି ଦେବାକୁ ଝିଅ ପାଣି ପାଇପ ରୁ ପାଣି ମାରି ବାପାଙ୍କ ସାଇକେଲ ପଛପଟେ ଟେକି ଉଠାଇ ଲଦି ଦିଅନ୍ତି, ବାପା ବି ଠିକ ସେ ଚାଲିବି ପାରନ୍ତିନି, ଯେତେ ବି କଷ୍ଟ ହେଲେ ବାପା ଝିଅ ଦୁଇ ଜଣ ବଞ୍ଚିବା ପାଇଁ ସଂଗ୍ରାମ ଜାରି ରଖିଛନ୍ତି।
ବଡ଼ଚଣାରୁ ବିଷ୍ଣୁ ଚରଣ ସାହୁଙ୍କ ରିପୋର୍ଟ ଫୋକସ ପ୍ଲସ ଓଡିଶା
