ଫୋକସ ପ୍ଲସ ୧୬/୬/୨୨(ପାରାଦୀପ): ପିଶାଚୀ ସାଜିଲା ସାବତ ମା, ସାଥ ଦେଲେ ଜନ୍ମ କଲା ବାପା | ୧୫ ବର୍ଷର ନାବାଳକ ପୁଅକୁ ପିଟି ପିଟି ହତ୍ୟା କଳରିବା ପରେ ଆତ୍ମହତ୍ୟା ର ରୂପ ଦେଇଥିବା ଅଭିଯୋଗ ଅଭିଯୋଗ ଆଣିଛନ୍ତି ନାବାଳକ ର ମାମୁ ଘର ଲୋକେ |ଏମିତି ଏକ ଅଭାବନୀୟ ଘଟଣା ଘଟିଛି ପାରାଦୀପ ଅଭୟଚନ୍ଦପୁର ଅନ୍ତର୍ଗତ ତ୍ରିଲୋଚନପୁତ୍ର ଗ୍ରାମରେ | ଅଭିଯୁକ୍ତ ହେଲେ ସେହି ଗ୍ରାମର ମକର ବେହେରା (ବାପା), ଓ କୁନି ବେହେରା (ସାବତ ମା) |ମାମୁ ଘର ଲୋକଙ୍କ କହିବା ମୁତାବକ ୧୨ ବର୍ଷ ତଳେ ଆମ ଝିଅ ମମତା (ମୃତ ରାହୁଲଙ୍କ ମା ) ର ହତ୍ୟା ଅଭିଯୋଗରେ ଜେଲ ଯାଇଥିଲେ ମକର ବେହେରା | ଜେଲରୁ ଫେରିବା ପରେ ଦ୍ୱିତୀୟ ବିବାହ କରିଥିଲେ | ପ୍ରଥମ ପତ୍ନୀକ ଦୁଇ ପୁଅ ମଧ୍ୟରୁ ବଡ ପୁଅ ମାମୁଙ୍କ ଘରେ ରହୁଥିବା ବେଳେ ସାନ ପୁଅ ରାହୁଲ ସାବତ ମା ବାପା ଙ୍କ ପାଖରେ ରହୁଥିଲେ | ମାତ୍ର ଅନେକ ସମୟରେ ରାହୁଲଙ୍କୁ ବାପା ମା ଦୁହେଁ ନିର୍ଯାତନା ଦେଉଥିବା ସହ ଭଲରେ ଗଣ୍ଡେ ଖାଇବାକୁ ମଧ୍ୟ ଦେଉନଥିଲେ ବୋଲି ଅଭିଯୋଗ ଆଣିଛନ୍ତି ମାମୁଘର ପରିବାର ଲୋକେ | ଗତକାଲି ରାହୁଲ ସାବତ ମା ଓ ବାପାଙ୍କ ଆକ୍ରୋଶ ର ଶିକାର ହୋଇଥିଲେ କୌଣସି କାରଣରୁ ଉତକ୍ଷିପ୍ତ ହୋଇ ଅତି ନୃଶଂସ ଭାବେ ରାହୁଲ କୁ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛି | ତେବେ ପୂର୍ବରୁ ରାହୁଲଙ୍କ ବାପା ଆତ୍ମହତ୍ୟା କରିଥିବା ଲିଖିତ ରିପୋର୍ଟ ଥାନାରେ ଦେଇଥିବା ପୋଲିସ ପକ୍ଷରୁ ସୂଚନା ମିଳିଛି | ଘଟଣା ସ୍ଥଳରେ ପହଞ୍ଚି ପୋଲିସ ଶବକୁ ବ୍ୟବଛେଦ ପାଇଁ ପଠାଇଛି | ମାମୁଁଘର ଲୋକଙ୍କ ଅଭିଯୋଗ ଅନୁଯାୟୀ ପୋଲିସ ଘଟଣାର ତଦନ୍ତ କରିବା ବୋଲି ଥାନା ପକ୍ଷରୁ ସୂଚନା ମିଳିଛି |
ପାରାଦୀପରୁ ମନୋଜ ସାହୁ ଙ୍କ ରିପୋର୍ଟ ଫୋକସ ପ୍ଲସ |
