ମୁମ୍ବାଇ: କିଛି ଦିନ ଅନ୍ତରରେ ଗ୍ରାହକଙ୍କୁ ସେଲ୍ ଜରିଆରେ ଅଫର୍ ପ୍ରଦାନ କରିଥାଏ ଇ-କମର୍ସ ସାଇଟ୍ ଫ୍ଲିପ୍କାର୍ଟ। ପୂର୍ବରୁ କମ୍ପାନି ତା’ର ‘ବିଗ୍ ବିଲିୟନ୍ ଡେଜ୍ ସେଲ୍’, ‘ଦୀପାବଳି ସେଲ୍’ ଆଦି ପ୍ରଦାନ କରିସାରିଛି। ଏବେ ଆରମ୍ଭ ହୋଇଯାଇଛି ‘ଇୟର୍ ଏଣ୍ଡ୍ ସେଲ୍’। ଏହି ସେଲ୍ ଆସନ୍ତାକାଲି ବା ଡିସେମ୍ବର ୯ ତାରିଖରୁ ଆରମ୍ଭ ହୋଇ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ଚାଲିବ।
ଯଦି ଆପଣଙ୍କ ନିକଟରେ ‘ଫ୍ଲିପ୍କାର୍ଟ ପ୍ଲସ୍’ ମେମ୍ବରସିପ୍ ଅଛି ତ ଆପଣ ଆଜିଠାରୁ ଅର୍ଥାତ ଡିସେମ୍ବର ୮ରୁ ଏହି ସେଲ୍ର ଲାଭ ଉଠାଇ ପାରିବେ। ଏହି ସେଲ୍ରେ ସ୍ମାର୍ଟଫୋନ୍ ଓ ଭିନ୍ନ ଇଲେକ୍ଟ୍ରୋନିକ୍ସ ସାମଗ୍ରୀ ଉପରେ ଆକର୍ଷଣୀୟ ଅଫର୍ ମିଳୁଛି।
ଏହି ସେଲ୍ରେ ଇଲେକ୍ଟ୍ରୋନିକ୍ସ ସାମଗ୍ରୀ ଉପରେ ୫୦ରୁ ୮୦ ପ୍ରତିଶତ ରିହାତି ମିଳୁଛି। ଏହି ସେଲ୍ରେ ଆମେ ଡିସ୍କାଉଣ୍ଟ୍ରେ ଫୋନ୍ କିଣିପାରିବା। ଏହାଛଡ଼ା ହେଡ୍ଫୋନ୍, ଲାପ୍ଟପ୍, ସ୍ପିକର୍ ଏବଂ ଅନ୍ୟାନ୍ୟ ସାମଗ୍ରୀ ପରେ ବି ରିହାତି ମିଳୁଛି।
ଯଦି ଆପଣ ନୂଆ ସ୍ମାର୍ଟଫୋନ୍ କିଣିବାର ଯୋଜନା କରୁଛନ୍ତି ତ ଏହି ସେଲ୍ର ଲାଭ ଉଠାନ୍ତୁ। ସେଲ୍ରେ ଗୁଗୁଲ୍ ପିକ୍ସେଲ୍ ୭ ସିରିଜ୍ ଏବଂ ୮ ସିରିଜ୍ ଉପରେ ଭଲ ଅଫର୍ ମିଳୁଛି। ଏହାଛଡ଼ା ଆପଣ ସାମ୍ସଙ୍ଗ୍ ଗାଲାକ୍ସି ଏସ୍୨୧ଏଫ୍ଇ(୨୦୨୩) ରିହାତି ପରେ ୩୧,୯୯୯ ଟଙ୍କାରେ ମିଳୁଛି।
ସେହପରି ଆଇଫୋନ୍ ୧୪କୁ ଆପଣ ଏହି ସେଲ୍ରେ ୫୪,୯୯୯ ଟଙ୍କାରେ ପାଇପାରିବେ। ସେହିପରି ସାମ୍ସଙ୍ଗ୍ ଗାଲାକ୍ସି ଏସ୍୨୨୫ଜି କୁ ରିହାତି ପରେ ୩୭,୯୯୯ ଟଙ୍କାରେ କିଣିପାରିବେ।
