ଫୋକସ ପ୍ଲସ(ଜଗତପୁର)୧୬/୦୮/୨୦୨୨: ବନ୍ୟା ପରିସ୍ଥିତି ସୃଷ୍ଟି କରିସାରିଛି ଲଘୁଚାପ ଜନିତ ଲଗାଣ ବର୍ଷା |ଲୋକଙ୍କୁ ଭୋଗିବାକୁ ପଡୁଛି ନାହିଁ ନଥିବା ସମସ୍ୟମାନ | ମହାନଗର ନିଗମର ୫୪ ନମ୍ବର୍ ୱାର୍ଡ ଅନ୍ତର୍ଗତ ଗାନ୍ଧୀ ପଲ୍ଲୀ ବାସିନ୍ଦା ଗତକାଲି ରାତିରୁ ଜଳ ଘେରରେ ରହିଛନ୍ତି। ପାଖାପାଖି ୧୦୦ରୁ ଉର୍ଦ୍ଧ୍ବ ପରିବାରଙ୍କ ଘରେ ଚୁଲି ଜଳିବା ମଧ୍ଯ ବନ୍ଦ ହୋଇଯାଇଛି। ଫଳରେ ଏହି ଲୋକମାନେ ଭୋକ ଉପାସରେ ଜୀବନ ବିତାଉଛନ୍ତି। ପ୍ରଶାସନ ପକ୍ଷରୁ ଯେତିକି ତତ୍ପରତା ପ୍ରକାଶ ପାଇବା କଥା,ତାହା ଅଦ୍ୟାବଧି ଦେଖିବାକୁ ମିଳିନାହିଁ। ଗତକାଲି ରାତିରେ କେହି ବଦାନ୍ୟ ବ୍ୟକ୍ତି କିଛି ରନ୍ଧାଖାଦ୍ୟ ଆଣି ଦେଇ ଯାଇଥିବା ବେଳେ ପ୍ରଶାସନ ପକ୍ଷରୁ ଏଯାଏଁ ସେମାନଙ୍କୁ କୌଣସି ସହାୟତା ମିଳି ପାରିନାହିଁ। ଯେଉଁଭଳି ଭାବେ ମହାନଦୀର ଜଳସ୍ତର ବୃଦ୍ଧି ପାଉଛି, ଗାନ୍ଧୀ ପଲ୍ଲୀ ବାସିନ୍ଦା ସେତିକି ଭୟଭୀତ ଅବସ୍ଥାରେ ଅଛନ୍ତି।
ଜଗତପୁରରୁ ପୂର୍ଣଚନ୍ଦ୍ର ସ୍ୱାଇଁ ଙ୍କ ରିପୋର୍ଟ ଫୋକସ ପ୍ଲସ ।
