ଫୋକସ ପ୍ଲସ(ସାନଖେମୁଣ୍ଡି): ବୁଧବାର ସନ୍ଧ୍ୟା ସମୟରେ ବେଆଇନ ବାଣ ଗୋଦାମ ଉପରେ ଚଢ଼ାଉ । ଲକ୍ଷାଧିକ ଟଙ୍କାର ବାଣ ଜବତ କରିବା ସହ 4 ଜଣଙ୍କୁ ଗିରଫ କରିଛି ପାଟପୁର ପୋଲିସ | ଅଭିଯୁକ୍ତ ମାନେ ହେଲେ ପୋଡାମାରି ଗ୍ରାମର ପି. ପ୍ରଶାନ୍ତ କୁମାର ସୁବୁଦ୍ଧି, ଏ. ସିମାଞ୍ଚଳ ପାତ୍ର, ସନ୍ତୋଷ କୁମାର ପାଢ଼ୀ, ଡେଙ୍ଗାଓସ୍ତା ଗ୍ରାମର ୟୁ ଭଗବାନ ପାତ୍ର l ପାଟପୁର ପୋଲିସ କୌଣସି ସୂତ୍ରରୁ ଖବରପାଇ ଡେଙ୍ଗାଓସ୍ତା ଓ ପୋଡାମାରି ରେ ବେଆଇନ ବାଣ ଗୋଦାମ ଘରେ ଚଢ଼ାଉ କରିଥିଲା । ଚଢାଉ ବେଳେ ବିପୁଳ ପରିମାଣର ଗଛିତ ବେଆଇନ ବାଣ ଜବତ କରିଛି ପାଟପୁର ପୋଲିସ । ଏଥିସହ ପାଟପୁର ପୋଲିସ 4 ଅଭିଯୁକ୍ତ ନାମରେ 4 ମାମଲା ରୁଜୁ ହୋଇଛି ।
ଜବତ ବାଣର ଆନୁମାନିକ ମୂଲ୍ୟ ପ୍ରାୟ ୧୦ଲକ୍ଷରୁ ଊର୍ଦ୍ଧ୍ଵ ଟଙ୍କା ହେବ । ସଂପୃକ୍ତ ବାଣ ବ୍ୟବସାୟୀଙ୍କ ଅନ୍ୟ ଗୋଦାମରେ ବିପୁଳ ପରିମାଣର ବାଣ ଗଛିତ ଥିବା ସନ୍ଦେହ କରୁଛି ପୋଲିସ । ଖବର ମିଳିଲେ ବେଆଇନ ବାଣ ଗୋଦାମ ଉପରେ ଆଗମୀ ଦିନରେ ଚଢ଼ାଉ ଜୋରଦାର କରାଯିବ ବୋଲି ସୂଚନା ଦେଇଛନ୍ତି ପାଟପୁର ଥାନା ଅଧିକାରୀ ସବ୍ୟସାଚୀ ମଲ୍ଲ।ଚଢ଼ାଉ ସମୟରେ ସାନଖେମୁଣ୍ଡି ତହସିଲଦାର ଡ଼ଃ ଶ୍ରୀନିବାସ ବେହେରା ମଧ୍ୟ ସାମିଲ ଥିଲେ।।
