ଫୋକସ ପ୍ଲସ(ବାଲିଗୁଡା): କନ୍ଧମାଳ ଜିଲ୍ଲା ବାଲିଗୁଡା ଠାରେ ବିଜୁଜନତା ଦଳର ଜନ ସଂପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି ।ଏହି ଜନ ସଂପର୍କ ପଦଯାତ୍ରା ସ୍ଥାନୀୟ ବିଜେଡି କାଯ୍ୟାଳୟ ଠାରୁ ବାହାରି ଟାଉନ ହଲ ପଯ୍ୟନ୍ତ ଯାଇଥିଲା ।ଟାଉନ ହଲଠାରେ ଏକ ସଭାର ଆୟୋଜନ କରିଥିଲା ବିଜେଡି ଦଳ ।ସଭାରେ ବହୁତ ମାତ୍ରାରେ ମହିଳା,ପୁରୁଷ ଯୋଗଦାନ କରିଥିବା ଦେଖିବାକୁ ମିଳିଥିଲା ।ଜନ ସଂପର୍କ ପଦଯାତ୍ରାରେ କନ୍ଧମାଳ ସାଂସଦ ଅଚ୍ୟୁତ ସାମନ୍ତ,ବିଧାୟକ ଚକ୍ରମଣି କହଁର,ଜିଲ୍ଲା ବିଜେଡି ପଯ୍ୟାବେକ୍ଷକ ବିଜୟ କୁମାର ନାୟକ,ଜିଲ୍ଲା ସଭାପତି ସରୋଜ କଣ୍ଣ,ଜିଲ୍ଲାପରିଷଦ ଅଧ୍ୟକ୍ଷା ନନ୍ଦିନୀ ମଲିକ,ବ୍ଲକ ସଭାପତି ତଥା ସାଂସଦ ପ୍ରତିନିଧି ଟୁନାଦାସ,ଏନ୍ଏସି ଅଧ୍ୟକ୍ଷ ଗୋବିନ୍ଦ ପ୍ରଧାନ,ଏନଏସି ଉପାଧ୍ୟକ୍ଷା ବାଲିଗୁଡା,ବ୍ଳକ ଅଧ୍ୟକ୍ଷା,ଉପାଧ୍ୟକ୍ଷା,ସରପଞ୍ଚ,ସମିତି ସଭ୍ୟା ମାନେ ଯୋଗଦାନ କରିଥିବା ଦେଖିବାକୁ ମିଳିଥିଲା ।
ଟାଉନ ହଲଠାରେ ଅନୁଷ୍ଠିତ ଜନ ସଂପର୍କ ସଭାରେ ପ୍ରବାଦ ପୁରୁଷ ବିଜୁପଟ୍ଟନାୟ ଓ ମହାତ୍ମାଗାନ୍ଧୀଙ୍କ ଫୋଟରେ ପୁଷ୍ପମାଲ୍ୟ କରିଥିଲେ ଅତିଥି ମାନେ ଓ ଜନ ସାଧାରଣଙ୍କୁ ନିଜର ଅବିଭାଷଣରେ ବାଲିଗୁଡା ନିର୍ବାଚନ ମଣ୍ଡଳିରେ କିପରି ବିଜୁଜନତା ଦଳ ନିଜର ସଂଗଠନ ସୁଦୃଢ କରିଛି ଓ ବାଲିଗୁଡା ନିର୍ବାଚନ ମଣ୍ଡଳିରେ ବିକାଶ ହୋଇଛି ଆଗକୁ କିପରି ଆହୁରି ବିକାଶ କରାଯିବ ତାହାକୁ ବଖାଣିଥିଲେ ମଞ୍ଚାସିନ ଅତିଥିମାନେ ।ଏହି ଜନ ସଂପର୍କ ପଦଯାତ୍ରା ଓ ସଭାରେ ଆଖପାଖ ଅଞ୍ଚଳରୁ ୧୫ହଜାରରୁ ଉର୍ଦ୍ଧ ବିଜେଡି କର୍ମୀ ଯୋଗଦାନ କରିଥିବା ଦେଖିବାକୁ ମିଳିଥିଲା ।
ବାଲିଗୁଡାରୁ ବନବାସୀ ପ୍ରଧାନଙ୍କ ରିପୋର୍ଟ
