ଫୋକସ ପ୍ଲସ(ଟିକାବାଲି)୨୦/୦୮/୨୦୨୨: ଟିକାବାଲି ଅଞ୍ଚଳ ପାଇଁ ଟିକାବାଲିର ଜନଜାତି ହାଟ ଏକ ଜନଗହଳି ଓ ମୁଖ୍ୟ ହାଟ |ପ୍ରାୟ ୪ଟି ବ୍ଲକର ଆଦିବାସୀ,ହରିଜନ ତଥା ଅନ୍ୟାନ୍ୟ ବର୍ଗର ଲୋକେ ଏଠାରେ ସାପ୍ତାହିକ ହାଟ କରିବାକୁ ଆସନ୍ତି ।ଏହି ହାଟ ଭିତରେ ଥିବା ମାର୍କେଟର ଖୋଲା ବିଲଡିଙ୍ଗ ବର୍ତ୍ତମାନ ଜରାଜୀର୍ଣ୍ଣ ହୋଇ ବିପଦପୂର୍ଣ୍ଣ ଅବସ୍ଥାରେ ଥିବାରୁ ଏହା ବ୍ୟବହାର ଉପଯୋଗୀ ନୁହେଁ |କାରଣ ଏହି ହାଟଟି ଶୁକ୍ରବାର ଦିନ ଅତି ଗହଳି ଏବଂ ବ୍ୟବସାୟୀଙ୍କ ପାଇଁ ଜାଗା ନିଅଣ୍ଟ ହେଉଥିବାରୁ ଏହି ବିଲଡିଙ୍ଗଟି ମଧ୍ୟ ବ୍ୟବହାର ହେଉଛି | ଯଦି ଅଳ୍ପଦିନ ଭିତରେ ଏହାର ପ୍ରତିକାର ନକଲେ ଲୋକେ ଦୁର୍ଘଟଣାର ଶିକାର ହୋଇ ପାରନ୍ତି |ଏହା ଛଡା ଏଠାରେ ଚାରିପଟେ ପାଚେରୀ ନଥିବାରୁ ବୁଲା ଗାଇ ଗୋରୁ ମାନେ ପ୍ରାୟ ଏଠାରେ ବିଶ୍ରାମ କରିଥାନ୍ତି ତେଣୁ ଏହି ଗାଇ ଗରୁ ମାନେ ମଧ୍ୟ ଶିକାର ହେଇ ପାରନ୍ତି । ତେଣୁ ଅଳ୍ପଦିନ ଭିତରେ ଏହି ଜରାଜୀର୍ଣ୍ଣ ବିଲଡିଙ୍ଗକୁ ଭଙ୍ଗାଯାଇ ପୁନଃ ନିର୍ମାଣ ବ୍ୟବସ୍ଥା କରିବା ପାଇଁ ସାଧାରଣରେ ଦାବି ହେଉଛି |
