ଫୋକସ ପ୍ଲସ (ନିଶ୍ଚିନ୍ତକୋଇଲି) ୦୬/୦୭/୨୦୨୨: ମୟୂରଭଞ୍ଜ ପୋଲିସ କୁ ମିଳିଲା ବଡ଼ ସଫଳତା । ଗଞ୍ଜେଇ ଚାଲାଣ ହେବା ବେଳେ ବାରିପଦା ପୋଲିସ କବ୍ଜାରେ ୪ ଗିରଫ ,୩ ଟି ଗାଡି ସହିତ ଗଂଜେଇ ଜବତ । ସୂଚନା ଅନୁଯାୟୀ କଳାହାଣ୍ଡି ଠାରୁ ୩ ଟି ଗାଡି ମାଧ୍ୟମରେ ବାରିପଦା ରାସ୍ତା ଦେଇ ଝାଡ଼ଖଣ୍ଡକୁ ଗଞ୍ଜେଇ ଚାଲାଣ କରାଯାଉଥିଲା । ବିଶେଷ ସୂତ୍ରରୁ ଖବର ପାଇ ବାରିପଦା ପୋଲିସ ପାଲବଣି ଠାରେ ୨ ଟି ଗଞ୍ଜେଇ ଭରା କାର୍ ସହିତ ୪ ଜଣଙ୍କୁ ଗିରଫ କରିଛି । ଏଥି ସହିତ ଗଞ୍ଜେଇ ଚାଲାଣକାରୀଙ୍କ ସାଙ୍ଗରେ ଥିବା ଅନ୍ୟ ଏକ ଗାଡିକୁ ପିଛା କରି ବାଙ୍ଗରିପୋଷି ଥାନା ଅନ୍ତର୍ଗତ ଜଗନ୍ନାଥ ଖୁଣ୍ଟା ଅଞ୍ଚଳରୁ ଜବତ କରିଛି । କିନ୍ତୁ ସେହି ଗାଡ଼ିରେ ଥିବା ଅନ୍ୟ ସହଯୋଗୀମାନେ ଫେରାର ଅଛନ୍ତି । ତେବେ ଗତକାଲି ରାତିରେ ଜବତ ହୋଇଥିବା ଗଞ୍ଜେଇର ଓଜନ ୩ କୁଇଣ୍ଟାଲ ୮୦ କିଲୋ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ ପାଖାପାଖି ୭୦ ଲକ୍ଷ ଟଙ୍କା ହୋଇଥିବାର ସୂଚନା ମିଳିଛି । ଏଥି ସହିତ ଏହି ଘଟଣାରେ ମୟୂରଭଞ୍ଜ ଜିଲ୍ଲା ସହିତ ସମ୍ପୃକ୍ତି ନଥିବାର ସୂଚନା ଦେଇଛନ୍ତି ମୟୂରଭଞ୍ଜ ଏସପି।
ବାରିପଦାରୁ ତରୁଣ କୁମାର ଦାଶ ଫୋକସ୍ ପ୍ଲସ |
