ବିବାହ ବନ୍ଧନରେ ବାନ୍ଧିହେଲେ ଆଥିୟା ଓ ରାହୁଲ |

ଫୋକସ ପ୍ଲସ ୨୪/୧/୨୩(ବ୍ୟୁରୋ):ଭାରତୀୟ କ୍ରିକେଟ ଟିମର ଷ୍ଟାର ଓପନର କେ.ଏଲ. ରାହୁଲ ଏବଂ ବଲିଉଡ ଅଭିନେତ୍ରୀ ଆଥିୟା ସେଟ୍ଟୀ ସୋମବାର ବିବାହ ବନ୍ଧନରେ ବାନ୍ଧି ହୋଇଛନ୍ତି । ପିତା ସୁନୀଲ ସେଟ୍ଟୀଙ୍କ ଖଣ୍ଡାଲା ସ୍ଥିତ ବଙ୍ଗଳାରେ ଅଥିୟା ରାହୁଲଙ୍କୁ ଜୀବନସାଥୀ କରିଛନ୍ତି । ଉଭୟଙ୍କ ବାହାଘରକୁ ସମ୍ପୂର୍ଣ୍ଣ ପ୍ରାଇଭେଟ ରଖା ଯାଇଥିଲା । ରିପୋର୍ଟ ଅନୁସାରେ, ସ୍ଥାନୀୟ ରେଡିସନ ହୋଟେଲରୁ ରାହୁଲ ବରଯାତ୍ରୀଙ୍କ ସହ ବାହାରିଥିଲେ । ଅପରାହ୍ନ ସାଢେ ୨ଟାରେ ରାହୁଲ ଆଥିୟାଙ୍କ ବଙ୍ଗଳାରେ ପହଞ୍ଚିଥିଲେ । ଏହି ଷ୍ଟାର ଯୋଡିଙ୍କ ସବୁଠୁ ଘନିଷ୍ଠ ବନ୍ଧୁ, ସମ୍ପକୀୟ ତଥା ବଲିଉଡର ହାତଗଣତି ଲୋକ ହିଁ ଏଥିରେ ସାମିଲ ହୋଇଥିଲେ । ଗଣମାଧ୍ୟମକୁ ଭେଟିବା ପାଇଁ ସୁନୀଲ କିଛି ସମୟ ପାଇଁ ବାହାରକୁ ଆସିଥିଲେ । ସେ ପେଷ୍ଟଲ ପିଙ୍କ କଲରର ଏକ ଧୋତୀ ଏବଂ କୁର୍ତା ପିନ୍ଧିଥିବା ଦେଖିବାକୁ ମିଳିଥିଲା । ପୁଅ ଅହାନ ସେଟ୍ଟୀ ମଧ୍ୟ ତାଙ୍କ ସାଙ୍ଗରେ ଥିଲେ । ବିବାହରେ ବଲିଉଡର ବରିଷ୍ଠ ଅଭିନେତା ଅନୁପମ ଖେରଙ୍କ ସମେତ ଷ୍ଟାର କିଡ କ୍ରିଷ୍ଣା ଶ୍ରଫ, ଅଂଶୁଲା କପୁର, ଅର୍ଜୁନ କପୁରଙ୍କୁ ମଧ୍ୟ ଦେଖିବାକୁ ମଳିଥିଲା । କ୍ରିଷ୍ଣା ଶ୍ରଫ ହେଉଛନ୍ତି ଜ୍ୟାକି ଶ୍ରଫଙ୍କ ଝିଅ । ସେହିପରି ଅଂଶୁଲା ବୋନି କପୁରଙ୍କ ଝିଅ । କ୍ରିକେଟର ଇଶାନ୍ତ ଶର୍ମା ମଧ୍ୟ ବିବାହରେ ଯୋଗ ଦେଇଥିଲେ । ବିବାହରେ ଫଟୋ ଉଠାଇବା ପାଇଁ ଅତିଥିଙ୍କୁ ବାରଣ କରାଯାଇଥିଲା । ସମସ୍ତଙ୍କ ଫୋନ କ୍ୟାମେରାରେ ଷ୍ଟିକର ଲଗା ଯାଇଥିଲା । ବାହାରେ ଥିବା ଗଣମାଧ୍ୟମ ପ୍ରତିନିଧିଙ୍କ ପାଇଁ ଖାଦ୍ୟପେୟର ବ୍ୟବସ୍ଥା ମଧ୍ୟ କରାଯାଇଥିଲା ।