ଫୋକସ ପ୍ଲସ(ବ୍ରହ୍ମପୁର): ବ୍ରହ୍ମପୁର ଉପଖଣ୍ଡର ନୂତନ ଉପ- ଜିଲ୍ଲାପାଳ ଭାବେ ଶ୍ରୀଯୁକ୍ତ ଆଶୁତୋଷ କୁଲକର୍ଣୀ ସି, ଭା.ପ୍ର.ସେ., ଆଜି ଦାୟିତ୍ୱ ଗ୍ରହଣ କରିଛନ୍ତି। ପୂର୍ବରୁ ଶ୍ରୀଯୁକ୍ତ ୱି.କୀର୍ତ୍ତି ୱାସନ୍, ଭା.ପ୍ର.ସେ., ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟନିର୍ବାହୀ ଅଧିକାରୀ ଜିଲ୍ଲା ପରିଷଦ,ଗଞ୍ଜାମ ବ୍ରହ୍ମପୁର ଉପ ଜିଲ୍ଲାପାଳ ଦାୟିତ୍ଵରେ ରହିଥିଲେ । ଆଜି ପୂର୍ବାହ୍ନରେ ବ୍ରହ୍ମପୁର ଉପ ଜିଲ୍ଲାପାଳ ଭାବେ ଶ୍ରୀଯୁକ୍ତ ଆଶୁତୋଷ କୁଲକର୍ଣି ସି ଶ୍ରୀ ୱାସନ୍ ଙ୍କ ଠାରୁ ଦାୟିତ୍ଵ ଗ୍ରହଣ କରିଛନ୍ତି। ବ୍ରହ୍ମପୁର ଉପଖଣ୍ଡର ଜନସାଧାରଣଙ୍କୁ ଉପଯୁକ୍ତ ସେବା ଯୋଗାଇଦେବା ତାଙ୍କର ପ୍ରାଥମିକ କାର୍ଯ୍ୟ ହେବ ବୋଲି କହିଛନ୍ତି।ବ୍ରହ୍ମପୁର ଉପଜିଲ୍ଲାପାଳ କାର୍ଯ୍ୟାଳୟ ର ସମସ୍ତ ସେକ୍ସନ ଅଫିସର ଓ କର୍ମଚାରୀ ନୂତନ ଉପ-ଜିଲ୍ଲାପାଳଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ ।
ବ୍ରହ୍ମପୁରରୁ କାଳୀ ପ୍ରସାଦ ରଥଙ୍କ ରିପୋର୍ଟ
