ମଲା ଲୋକଙ୍କ ନାଁରେ ଉଠୁଛି ରାସନ ସାମଗ୍ରୀ

ଫୋକସ ପ୍ଲସ 31/3/23(ହାଟଡିହି): ଭୂତ ଖାଉଛି ପିଡ଼ିଏସ ସାମଗ୍ରୀ।ହିତାଧିକାରୀଙ୍କ ମୃତ୍ୟୁ ପରେ ବି ପରିବାର ଲୋକଙ୍କୁ ଅନ୍ଧାରରେ ରଖି ପିଡ଼ିଏସ ସାମଗ୍ରୀ ଉଠାଣ ହେଇଥିବା ଅଭିଯୋଗ ଆସିଛି।ପଦାରେ ପଡ଼ିଲା ଯୋଗାଣ ବିଭାଗ ର ଚଞ୍ଚକତା। ପଞ୍ଚାୟତ ସ୍ତରରେ ଭୂତ ନାମରେ ଉଠୁଛି ପିଡ଼ିଏସ ଚାଉଳ।କେନ୍ଦୁଝର ଜିଲ୍ଲା ହାଟଡିହି ବ୍ଲକ ଅନ୍ତର୍ଗତ ସଢା ପଞ୍ଚାୟତ ରୁ ଆସିଛି ଏମିତି ଅଭିଯୋଗ।ଏହି ପଞ୍ଚାୟତ ରେ ଜାଡ଼ି ପରିଡ଼ା ରେଶନ କାର୍ଡ ନମ୍ୱର୍ ୧୮୦୭୨୫୧୧୩୨୫ ହୋଇଥିବା ବେଳେ ସେ ୨୧- ୮- ୨୦୨୧ରେ ମୃତ୍ୟୁବରଣ କରିଛନ୍ତି।କିନ୍ତୁ ତାଙ୍କ ପରିବାରବର୍ଗଙ୍କୁ କାର୍ଡ କଟି ଯାଇଥିବା କହି ପିଡ଼ିଏସ ଚାଉଳ ନଦେଇ ଫେରାଇ ଦେଇଥିଲେ।ସୂଚନା ଅଧିକାର ଆଇନ ବଳରେ ମାଗିବା ପରେ ପଦାକୁ ଆସିଲା ଯୋଗାଣ ବିଭାଗ ର ଚଂଚକତା।ଆହୁରି ଅନେକ ଏହିଭଳି ଅଭିଯୋଗ ଥିବାବେଳେ ହିତାଧିକାରୀମାନେ ଠିକ୍ ସମୟରେ ପିଡ଼ିଏସ ସାମଗ୍ରୀ ପାଉନଥିବା ଅଭିଯୋଗ କରିଛନ୍ତି।ପଞ୍ଚାୟତ ମାଧ୍ୟମରେ ପିଡ଼ିଏସ ସାମଗ୍ରୀ ବଣ୍ଟନ କରିବା ପାଇଁ ସରପଞ୍ଚ ଦାବି କରିଛନ୍ତି।