ଫୋକସ ପ୍ଲସ ୧୫/୬/୨୨(ଅନୁଗୋଳ): ବଳରାମପ୍ରସାଦ ଅପରାଜିତା ଓମେନ୍ସ ୱେଲଫେୟାର କ୍ଲବ ର ରଜ ଉତ୍ସବ କୁ ଉଦଘାଟନ କଲେ ଓଡ଼ିଶାର ଉପବାଚସ୍ପତି ଶ୍ରୀଯୁକ୍ତ ରଜନୀକାନ୍ତ ସିଂ, ଅନୁଗୋଳ ଜିଲ୍ଲା ବଂଅରପାଳ ବ୍ଳକ ଅନ୍ତର୍ଗତ ବଳରାମପ୍ରସାଦ ପଂଚାୟତ ର ଅପରାଜିତା ଓମେନ୍ସ କ୍ଲବ ତରଫରୁ ରଜ ଉତ୍ସବ ପାଳନ କରାଯାଇଛି ।ଏହି ଉତ୍ସବ କୁ ଓଡ଼ିଶାର ଉପବାଚସ୍ପତି ,ଅନୁଗୋଳ ବିଧାୟକ ଶ୍ରୀଯୁକ୍ତ ରଜନୀକାନ୍ତ ସିଂ ଫିତା କାଟି ଉଦଘାଟନ କରିଥିଲେ ମଞ୍ଚାସୀନ ଅତିଥି ଭାବେ କ୍ଲବ ର ଉପଦେଷ୍ଟା ଡକ୍ଟର ବିଜୟଲକ୍ଷ୍ମୀ ତାରେଣିଆ ଓ ସଭାପତି ସମାଜସେବୀ ଶ୍ରୀମତୀ ପଦ୍ମାଖି ସିଂ ଯୋଗଦେଇଥିଲେ ।।ପ୍ରଥମେ ଉପବାଚସ୍ପତି କ୍ଳବ ର ପତାକା ଉତ୍ତୋଳନ କରିଥିଲେ ଓ ଶ୍ରୀଫଳ ଭାଙ୍ଗି ଫିତା କାଟି ,ଛୋଟ ପିଲା ମାନଙ୍କୁ ଦୋଳି ଖେଳାଇଥିଲେ ।ସଭାପତି ଶ୍ରୀମତୀ ପଦ୍ମାଖି ସିଂ ତାଙ୍କୁ ରଜ ଅବସରରେ ମିଠା ପାନ ଉପହାର ଦେଇଥଲେ ।ଆୟୋଜକ କ୍ଳବ ତରଫରୁ ପ୍ରଥମ ଦିବସରେ ପିଠା ,ଚାଟ ଓ ପାଣିପୁରୀ ଷ୍ଟଲ ଲଗା ଯାଇଥିବା ବେଳେ ବରିଷ୍ଠ ନାଗରିକ ମାନଙ୍କ ଦ୍ୱାରା ମିଠା ପାନ ର ଷ୍ଟଲ ଲଗାଯାଇଥିଲା ।ବିବିନ୍ନ ପ୍ରକାର ଖେଳ ପ୍ରତିଯୋଗିତାରେ ପଚାୟତ ବାସୀ ଅଂଶଗ୍ରହଣ କରିଥିବାବେଳେ ସରପଞ୍ଚ ଶ୍ରୀମତୀ ଜୟନ୍ତୀ ସାହୁ ହୁଳହୁଳି ଦେଇ ମହିଳା ମାନଙ୍କୁ ଉତ୍ସାହିତ କରିଥିଲେ ।ବ୍ଲୁବ ର ସଦସ୍ୟା ଶ୍ରୀମତୀ ଏଲିନା ମହାନ୍ତି ମଞ୍ଚ ପରିଚାଳନା କରିଥିବା ବେଳେ କ୍ଳବ ସମ୍ପାଦିକା ଶ୍ରୀମତୀ ସୁଚିସ୍ମିତା ସିଂ ଓ ସମସ୍ତ ସଦସ୍ୟା ମାନେ ଉପସ୍ଥିତ ରହି ଉତ୍ସବକୁ ଆଗେଇ ନେଇଥିଲେ ।ଆସନ୍ତା କାଲି ମଧ୍ୟ ଏହି କାର୍ଯ୍ୟକ୍ରମ ଚାଲୁ ରହିବ ବୋଲି ଶ୍ରୀମତୀ ପଦ୍ମାଖି ସିଂ ସୂଚନା ଦେଇଥିଲେ ।
