ଫୋକସ ପ୍ଲସ (ଟାଙ୍ଗୀ)୨୨/୦୬/୨୦୨୨: ଚୌଦ୍ୱାର ଓଟିଏମ ଦୁର୍ଗା ବଜାରର ଅଟୋ ମାଲିକ ଲୋକନାଥ ବିଶ୍ୱାଳଙ୍କ ରହସ୍ୟମୟ ମୃତ୍ୟୁକୁ ନେଇ କଳ୍ପନା ଜଳ୍ପନା ଲାଗି ରହିଛି । ତେବେ ମଙ୍ଗଳବାର ଏହି ଘଟଣାରେ ସଂପୃକ୍ତ ଦୁଇ ଆସମୀଙ୍କୁ ଚୌଦ୍ୱାର ପୋଲିସ ଧରିବା ରେ ସଫଳ ହୋଇଥିଲା । ଅଭିଯୁକ୍ତ ହେଲେ ଚୌଦ୍ୱାର ଦୁର୍ଗା ବଜାର ମୁଣ୍ଡା ସାହିର ବୋଲେରୋ ଚାଳକ ମନଜିତ ସାହୁ (ଗୁଡୁ ୨୧ ) ଓ ବୋଲେରୋ ମାଲିକ ସୁମନ୍ତ ନାୟକ।ଚୌଦ୍ୱାର ପୋଲିସ ଆଜି ରହସ୍ୟ ଉନ୍ମୋଚନ ନେଇ କଟକ ଡିସିପି ଅଫିସରେ ପ୍ରେସମିଟ କରିବା ସହ ଦୁଇ ଆସାମୀକୁ ନେଇ ଘଟଣା ସ୍ଥାନର ଚିହ୍ନଟ କରାଇଥିଲା । ତେବେ ଏ ଫଳାଫଳକୁ ନେଇ ମୃତ ଲୋକନାଥ ପରିବାର ଲୋକେ ଆଦୌ ମାନିବାକୁ ପ୍ରସ୍ତୁତ ହୋଇନାହାନ୍ତି । ତାଙ୍କର ଦାବି ଏହି ଘଟଣାର ସିବିଆଇ ତଦନ୍ତ କରାଯାଉ ।ଏହି ଘଟଣାକୁ ଲୁଚାଇବାକୁ ଏକ ବଡ଼ ଗୋଷ୍ଠି କାମ କରୁଛନ୍ତି । କାରଣ ଲୋକନାଥକୁ ବିରୂପା ବ୍ରିଜ ପାଖରୁ ନୁନଟିକିରି ପାର୍ଯ୍ୟନ୍ତ ଅଜାଣତରେ ୫ କିମି ରାସ୍ତା ଘୋଷାରି ଘୋଷାରି ଆଣିବା ସନ୍ଦେହ ଜନକ । ଦ୍ୱିତୀୟତଃ ମୃତକର ମୁଣ୍ଡ ,ପିଠି ଓ ବେକରେ କଟା ଚିହ୍ନ ରହିଥିଲା । ଏଣୁ ନ୍ୟାୟ ପାଇବା ପାଇଁ ପରିବାର ସଦସ୍ୟଙ୍କ ସହ ସ୍ଥାନୀୟ ବାସିନ୍ଦା ଚୌଦ୍ୱାର ଥାନାରେ ବସି ରହିଛନ୍ତି । ପୁନର୍ବାର ତଦନ୍ତ କରିବା ସହ ସ୍ବଛ ତଦନ୍ତ ପାଇଁ ସିବିଆଇକୁ ତଦନ୍ତ ଭାର ଦେବାକୁ ଦାବି ରଖିଛନ୍ତି ।ତେବେ ପୋଲିସ ଦୁଇ ଅଭିଯୁକ୍ତକୁ କେସ ନମ୍ବର ୨୫୯/୨୨ ରୁଜୁ କରି ମଙ୍ଗଳବାର କୋର୍ଟ ପଠାଇଦେଇଛି ।
