ଫୋକସ ପ୍ଲସ(ବ୍ରହ୍ମପୁର): ଆଗକୁ ଆସୁଛି ଦଶହରା ପୂଜା |ବ୍ରହ୍ମପୁର ସହର ସମେତ ଜିଲ୍ଲାବାସୀ ଓ ଦକ୍ଷିଣ ଓଡ଼ିଆର ପ୍ରମୁଖ ସହର ଭାବରେ ବ୍ୟବସାୟ ଓ ପୂଜା ଦେଖିବାପାଇଁ ଲକ୍ଷଲକ୍ଷ ଲୋକଙ୍କ ଭିଡ଼ ହେବ |କିନ୍ତୁ ସହରର ରାସ୍ତା ଗୁଡିକର ଅବସ୍ଥା କହିଲେ ନ ସରେ |ସହରର ପ୍ରମୁଖ ରାସ୍ତା ଗୁଡିକ ମଧ୍ୟ ଚାଲିବା ଉପଯୋଗୀ ନୁହେଁ |ଧାନ ବିଲ ପାଣି ଯୋଗାଇବା ନାଁରେ ଖୋଳା ଯାଇଥିବା ସାହିସାହିର ରାସ୍ତା ଗୁଡିକ ଏବେ ମଧ୍ୟ ମୁକୁଳା ହୋଇ ପଡିଛି |ପ୍ରେମନଗର ରାସ୍ତା ତିଆରି ପାଇଁ ଶାସକ ଦଳମିଠା ବାଣ୍ଟିଲେ କିନ୍ତୁ କାମ ଆରମ୍ଭ ହେଲା ନାହିଁ |ସହରର ପ୍ରମୁଖ ଛକ ମାନଙ୍କରେ ଟ୍ରାଫିକ ସମସ୍ୟା ସହ କୁଡକୁଡ ମଇଳା |ସାମାନ୍ୟ ବର୍ଷା ହେଲେ ସହରରେ କୁତ୍ରିମ ବନ୍ୟା ସୃଷ୍ଟି ହୁଏ |ଏହି ପରିପ୍ରେକ୍ଷୀରେ ଆଗାମୀ ପୂଜାପର୍ବ ଆଗରୁ ପୌର ପରିଷଦର ଏକ ସ୍ୱତନ୍ତ୍ର ବୈଠକ ଡାକି ତୁରନ୍ତ ଯୁଦ୍ଧ କାଳୀନ ଭିତରେ ସହରର ମୁଖ୍ୟରାସ୍ତା ଗୁଡିକୁ ମରାମତି କରିବାକୁ ଆଇନଜୀବି ତଥା ପିସିସି ସଭ୍ୟ ପୀତବାସ ପଣ୍ଡା ଏକ ପ୍ରେସ ବିବୃତିରେ ଦାବୀ କରିଛନ୍ତି |
ବ୍ରହ୍ମପୁରରୁ କାଳିପ୍ରସାଦଙ୍କ ରିପୋର୍ଟ
