ଫୋକସ ପ୍ଲସ(କୋଟପାଡ଼)04/08/2022: ଗତକାଲି କୋଟପାଡ଼ ଏସବିନୂଆଗାଁ ଠାରେ ଏକ ଅଘଟଣ ଦେଖିବାକୁ ମିଳିଛି l ଭଡା ଘରେ ରହୁଥିବା ଜଣେ ଶିକ୍ଷକଙ୍କର ରେଲିଙ୍ଗରେ ମୃତଦେହ ଝୁଲୁଥିବା ଦେଖିବାକୁ ମିଳିଥିଲା l ମୃତ ବ୍ୟକ୍ତି ହେଉଛନ୍ତି ଏସବି ନୂଆଗାଁ ପ୍ରାଥମିକ ବିଦ୍ୟାଳୟ ର ଜଣେ ଶିକ୍ଷକ | ନିଜ ଘର କଟକ ଜିଲ୍ଲାର ଆଠଗଡ଼ର ହୋଇଥିବା ବେଳେ ସେ ଗତ ଦୁଇମାସ ତଳେ ବିବାହ କରିଥିଲେ l ବାହାଘରର ଦୁଇମାସ ନପୂରୁଣୁ ଉଭୟ ସ୍ୱାମୀ, ସ୍ତ୍ରୀ ଙ୍କ ମଧ୍ୟରେ ପାରିବାରିକ ଭୁଲ ବୁଝାମଣା ଓ କଳହ ଲାଗିରହିଥିଲା l ଶେଷରେ ସେହି ପାରିବାରିକ ବିବାଦରେ ବିବାହ ବିଛେଦ ପର୍ଯ୍ୟନ୍ତ କଥା ଯାଇଥିଲା l ଏହି ଘଟଣା କୁ କେନ୍ଦ୍ରକରି ଆତ୍ମହତ୍ୟା କରିଥାଇ ପାରନ୍ତି ବୋଲି କୋଟପାଡ଼ ଥାନା ଅଧିକାରୀ ଶ୍ରୀ ଶେଷଦେବ ବେହେରା ସୂଚନା ଦେଇଛନ୍ତି l ଘଟଣାଟି ଗତକାଲି ବିଳମ୍ବିତ ରାତିରେ ଘଟିଥିବାରୁ ତଦନ୍ତ ପରେ ହିଁ ଶିକ୍ଷକଙ୍କର ମୃତ୍ୟୁ ରହସ୍ୟ ଜଣାପଡିବ ବୋଲି ପୋଲିସ ସୂତ୍ରରୁ ପ୍ରକାଶ କରାଯାଇଛି l
