ଫୋକସ ପ୍ଲସ(ଖମାର)୧୩/୦୮/୨୦୨୨: ଶୁଖିଲା ବରଗଛ ପଡି ବିଧବା ବୃଦ୍ଧାଙ୍କ ଜୀବନ ଚାଲିଗଲା l ପାଲଲହଡା ବ୍ଲକ ଖମାର ଥାନା ଅନ୍ତର୍ଗତ ପରାଛାଟ ପଂଚାୟତର ପରାଛାଟ ଗ୍ରାମର ବାଇଗିଣୀ ପେଣ୍ଠଇଁ (58) ଗତକାଲି ମଧ୍ୟାହ୍ନ ସମୟରେ ଛେଳି ଚରେଇବା ପାଇଁ ଜଙ୍ଗଲକୁ ଯାଇଥିଲେ, ଏକ ଶୁଖିଲା ବର ଗଛ ତାଙ୍କ ଉପରେ ପଡିଯିବାରୁ ଘଟଣା ସ୍ଥଳ ରେ ତାଙ୍କର ମୃତ୍ୟୁ ଘଟିଥିଲା l ସ୍ଥାନୀୟ ଲୋକେ ଏହି ଖବର ଜାଣି ଖମାର ପୋଲିସକୁ ଖବର ଦେଇଥିଲେ, ତୁରନ୍ତ ଖମାର ପୋଲିସ ଘଟଣାସ୍ଥଳକୁ ପହଂଚି ମୃତ ଶରୀରକୁ ଅଙ୍ଗବ୍ୟବଚ୍ଛେଦ ପାଇଁ ପାଲଲହଡା ପଠାଇଥିଲା l ମୃତ ବାଇଗିଣୀଙ୍କ ପରିବାର ଏକ ଗରିବ ପରିବାର ହୋଇଥିବା ବେଳେ ସ୍ଥାନୀୟ ସରପଞ୍ଚ ବବିତା ଘଟୁଆରୀ ପରିବାର ଲୋକଙ୍କ ପାଞ୍ଚ ହଜାର ଟଙ୍କା ସହାୟତା କରିଥିବା ସହ ପାଲଲହଡା ବ୍ଲକ ଉପାଧ୍ୟକ୍ଷ ମେଘନାଦ କିସାନ ମଧ୍ୟ ପ୍ରଥମ ରୁ ଶେଷ ପର୍ଯ୍ୟନ୍ତ ଘଟଣା ସ୍ଥଳରେ ରହି ପରିବାର ଲୋକଙ୍କ ସହଯୋଗ କରିଥିଲେ l ଏଭଳି ଅଭାବନୀୟ ଘଟଣାକୁ ସ୍ଥାନୀୟ ଗ୍ରାମବାସୀଙ୍କ ମନରେ ଶୋକର ଛାୟା ଖେଳିଯାଇଛି l
